Albistea entzun

Rajoyk esan du epaia «bidegabea eta okerrekoa» dela

Auzitegi Nazionalak gaur erabakiko du kasu guztiak batera edo banaka berrikusiko dituen

Erredakzioa -

2013ko urriak 25

Mariano Rajoy Espainiako gobernuburuak uste du «bidegabea eta okerrekoa» dela Giza Eskubideen Europako Auzitegiak Parot doktrinaren inguruan emandako epaia. Hala uste du, eta hala esan du Bruselan, Europako PPren bilera egingo den lekura iritsi denean. Nolanahi ere, gaineratu du Estrasburgoren kontra igandean Madrilen egingo den manifestaziora ez dela Espainiako Gobernuko kiderik joango, «herritarrek beraiek emango dute iritzia».

Ines del Rio kaleratzeko agindua eman ostean, 49 dira, gutxienez, haiei ere doktrina hori aplikatu zaiela eta eskubideak urratzen direla argudiatuta aske uzteko eskatu duten presoak. Del Rioren abokatuek jakinarazi zuten 56 presoren eskaerak egingo dituztela «berehala» askatzeko. Beraz, eskaera kopurua handituko da datozen egunetan.

Espainiako Auzitegi Nazionalean egin dute eskaera 49 horiek, eta auzitegi horretako zigor arloko epaileak bihar dira osoko bilkura egitekoak, eskaera horiei buruz nola erabaki pentsatzeko. Posible da eskaera guztiei batera erantzutea, baina baita banaka-banaka aztertzea ere.

Bi kasu jakinen gaineko erabakia gaur hartuko dute: Josefa Mercedes Ernagarena eta Manuel Piriz Lopezena. Bi horien auziak aztertzeko eguna Estrasburgok erabakiaren berri eman aurretik jarrita zegoen. Orduan, haiek aske uztearen kontra azaldu zen fiskala, baina ikusteko dago orain erabakia aldatuko duen edo ez.

Gainerako kasuak banan-banan aztertzea nahi du, gainera, fiskaltzak. Estrasburgoren epaia «egoera jakin batean» dagoen «pertsona jakin batena» dela nabarmendu du, eta, beraz, egoera guztiak banan-banan aztertzearen aldekoa da, baldintzak berdinak diren edo ez erabakitzeko. Nolanahi ere, nabarmendu du Estrasburgoren epaia bete beste aukerarik ez dagoela.

Psikologoak biktimentzat

Horrez gain, Espainiako Barne Ministerioak psikologoen zerbitzu berezia antolatu du Parot doktrina bertan behera utzi ostean kalera aterako diren presoen biktimentzat. Atzo jarri zen indarrean zerbitzua, eta jakinarazi dutenez, psikologoak biktimen etxeetaraino joango dira, haiek izan ditzaketen arazoak antzemateko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Markel Olano eta Jean-Jacques Lasserre akordioaren berri eman dute gaur goizean, Donostian. ©Gipuzkoako Foru Aldundia

«Mugaz gaindiko» lehen aurrekontuak onartu dituzte Gipuzkoako eta Pirinio Atlantikoetako ordezkariek

Unai Etxenausia

300.000 euroko aurrekontu bat zehaztu dute bi aldeek; 150.000 euro erakunde bakoitzak.

 ©JON URBE / FOKU

«Gauzak aldatzeko ilusioa berreskuratu behar dela uste dugu»

Joxerra Senar

Garrantzi berezia eman dio Iruñean eta Bilbon egingo den manifestazioari; larunbatean egingo dute, gazteen pobretzeari eta pandemiari eman zaien erantzun autoritarioa salatzeko. «Beharrezkoa da bide propio bat egitea».
Martin Villa, Madrilen egindako agerraldi batean. ©FERNANDO ALVARADo / EFE

Bartzelonako Urrezko Dominarekin jarraituko du Martin Villak

Iosu Alberdi

Kataluniako Justizia Auzitegi Nagusiak atzera bota du hiriko udalak hartutako erabakia. 

Zaballako espetxearen atarian 2020ko abenduan euskal presoen seme-alaben eskubideen alde egindako ekitaldi bat. ©Jaizki Fontaneda / FOKU

Zaballan dira Maria Lizarraga eta Iñigo Gutierrez euskal presoak

Maddi Ane Txoperena Iribarren

3 urte bete berri dituen Izadi umearen gurasoak dira. Espainiako Espetxe Erakundeek abendu akaberan iragarri zuten Euskal Herriratuko zituztela, eta gaur gauzatu da lekualdatzea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.