Albistea entzun

Mubarak atxilotu dute Egipton, errepresio eta ustelkeriagatik

Diktadorea ospitalean dago, bihotzean arazoak dituelako; haren egoera ezegonkorra bada ere, galdekatzen jarraituko dute

Ostiraleko protesta deialdia bertan behera utzi du oposizioak atxiloketaren ostean

Elixabet Epelde -

2011ko apirilak 14

Ustez iraultzan manifestariei eraso egiteagatik, ustelkeria delituengatik eta boterea gehiegikeriaz erabiltzeagatik ikertzen ari dira Hosni Mubarak Egipton. Hamabost eguneko atxiloaldia ezarri dio Fiskaltzak presidente ohiari, ikerketak irauten duen bitartean. Haren seme diren Gamal eta Alaa Mubaraken aurkako ikerketa ere abiarazi dute, eta aitaren zigor bera ezarri diete haiei ere.

Kairon dagoen Torako espetxean sartu dituzte semeak. Diktadorea, baina, ez dute oraindik kartzelaratu, ospitalean baitago. Herenegun, galdekatzen zuten bitartean, bihotzeko arazoak jasan zituen, eta Sharm-el-Sheikheko ospitalera eraman zuten. Bertako sendagileek jakinarazi dute Mubarak zaintzapean dagoela, eta bere egoera ezegonkorra dela. Bestalde, Al Ahram egunkariak presidente ohia Kairoko ospitale militar batera eraman zutela argitaratu zuen, baina gerora gezurtatu egin zuten informazio hori. Osatu arte, beraz, Sharm-el-Sheikheko ospitalean atxilotuta egongo dela argitu dute. Dena den, galdeketak egingo dizkiote, ospitaleko goi kargu baten arabera, Mubarak galderak erantzuteko moduan baitago.

Iragan otsailaren 11n utzi zuen kargua Mubarakek, hainbat astez herritarrek kalean bere kanporatzea eskatzeko protesta jendetsuak egin ostean. 800 lagun inguru hil ziren protestetan, gehienak segurtasun indarren erasoen ondorioz. Hain justu, Mubarakek hilketa horietan eta iraultzaren errepresioan izan duen erantzukizuna ikertzen ari dira.

Igandean agindu zuen Fiskaltzak presidente ohiaren aurkako ikerketa. Egun hartan bertan Mubarakek bere buruaren defentsa publikoa egin zuen grabatutako mezu batean. Boterean zegoen bitartean aberastu izana ukatu zuen. Trantsizio gobernuaren ordezkaritza batek, dena den, presidente ohiak herrialdetik at dituen kontu ondasunak ikertuko ditu.

Herritarrek Mubarak kanporatzea lortu zuten iragan otsailean, baina protestak ez ziren diktadorearen erorketarekin amaitu. Militarrek hartu dute trantsizioa gidatzeko ardura, eta ostiralero-ostiralero, ehunka herritar bildu da Tahrir plazan Armadako Kontseilu Gorenari Mubarak epaitzea exijitzeko. Izan ere, egindako krimenengatik erantzun behar duela diote oposizioko kideek. Aste honetan ere Iraultzaren Indar Nazionala koalizioak protesta deia egina zuen ostiralerako, baina, Mubaraken atxiloketa aginduaren berri izan ostean, deialdia bertan behera uztea erabaki dute. Presidente ohiaren atxiloketa iraultzaren garaipen gisa ospatu dute.

Iragan asteburuan, hain justu, liskarrak jazo ziren manifestarien eta armadaren artean Tahrir plazan, eta bi lagun hil zituzten. Hamabost manifestari ere zauritu zituzten, gutxienez.

Erregimena ikertzen

Mubarak eta bere semeez gain, Fiskaltza erregimeneko hainbat goi kargu ikertzen ari da. Murtada Mansur legebiltzarkide ohia atxilotzeko agindua eman zuen atzo; Mansurrek manifestarien aurkako erasoak antolatu zituela uste dute. Diktadurako beste hainbat goi kargu ere espetxeratu dituzte azken asteotan. Ustelkeria delituak egotzi dizkiete gehienei.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ponsati Generalitateko kontseilari ohia, Puigdemont presidente ohia, Puig kontseilari ohia eta Boye abokatua, atzo, Bruselan. ©LEO RODRIGUEZ / EFE

Erbesteratu katalanak Espainiaratzea baztertzeko irizpideak, zehaztuta

Gorka Berasategi Otamendi

EBko Justizia Auzitegiak ebatzi du Belgikak Espainiako justiziaren «gabezia sistemiko bat» frogatu behar duela haren euroagindu bat baztertzeko. Ez da guztiz lerratu, ez independentistekin, ez Llarenarekin
AEBetako gerra abioi batzuk, Ozeano Atlantikoko hegazkinontzi batean. ©STEPHANIE LECOCQ / EFE

Ukrainara gerra abioiak bidaltzearen aurka agertu da, oro har, Mendebaldea

Igor Susaeta

Borrokarako hegazkinak Kievi entregatzea aztergai dute, baina aliatuek ez dute jarrera bateraturik. AEBek eta Berlinek ezetz esan dute
Carles Puigdemont (erdian) Luxenburgoko auzitegiaren epaia baloratzen, gaur, Europako Parlamentuan, inguruan Clara Ponsati, Gonzalo Boye, Lluis Puig eta Toni Comin dituela. ©Berria

Erbesteratu katalanek ezingo dituzte Belgikaren argudioak erabili Llarenaren euroaginduak baztertzeko

Gorka Berasategi Otamendi

Europako Batasuneko Justizia Auzitegiak ebatzi duenez, batasuneko estatu kide batek ezin dio uko egin beste kide baten euroagindu bati, frogatu ezean azken horrek sistematikoki urratzen dituela eskubideak.

AEBetako F-16 hegazkin batzuk ariketa militarrak egiten Hego Korean ©EFE

Ukrainara gerra abioiak bidaltzearen aurka agertu da, oro har, Mendebaldea

Igor Susaeta

Auzia mahai gainean dago, baina Mendebaldeak ez du jarrera bateraturik. Macronen arabera, hainbat aldagai hartu beharko lirateke kontuan borrokarako hegazkinak entregatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...