Albistea entzun

Sanferminak Iruñean

Zezenetara joan nahi ez dutenentzat, beste aukera bat

Peñek merenduak antolatu dituzte aurten San Frantzisko plazan, ohitura berriak sortzeko asmoz

Edurne Elizondo - Iñigo Astiz -

2011ko uztailak 12

Zezengorri taldeko kideek uztailaren 7an erran zuten. Gauzak aldatzen ari direla Iruñean, eta gero eta jende gehiagok agertzen duela zezenketen aurkako jarrera. Iruñeko peñak ere konturatu dira horretaz. Arrazoia bat izan edo bertze, behera egin du zezenketetara joaten diren kideen kopuruak, eta, ondorioz, plazara joan nahi ez dutenentzat bertze aukera batzuk jaso dituzte aurten prestatu duten egitarauan.

Zehazki, San Frantzisko plaza merendua egiteko toki bilakatu dute. Txarangak jarri dituzte giroa alaitzeko, harat joan nahi dutenek bestan murgiltzeko aukera izan dezaten. Saio gisa jarri dute martxan ekimena aurten, eta jendetzak bat egin ez duen arren, parte hartu dutenek kontent hartu dute peñen ekimena. «Zezenketetara joatea ez dut gustuko. Ongi dago bestelako aukerak izatea. Ohiturak pixkanaka aldatu behar dira, eta hau modu egokia da hori lortzeko». Ramontxo Valenzuelarenak dira hitzak. Denentzako besten alde egin du, eta udalak ere denentzako bestak prestatzea helburu izan beharko lukeela azpimarratu du, San Frantzisko plazan.

Maitagarri Etxarrik ere San Frantzisko plazaren aldeko hautua egin du egunotan. Herritarren artean udalaren debekuak eraginik izan duela uste du, dena den, eta horregatik agertu dela merenduetan espero baino jende gutxiago. Hala ere, esperientzia ona izan dela ez du zalantzarik. «Peñak ere konturatu dira beste zerbait behar zela; zezenketetara joaten ez direnentzat beste deus ez dagoela. Udalak deus egiten ez duenez, peñek hartu dute ekimena».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Olatu sinkronizatua

Berria

Bi urte barru Europako kultur hiribirua izateko bidean, bosgarren Olatu Talka lehertu da asteburu honetan Donostian, 250etik gora proposamen sinkronizatu eskainita parte hartu nahi duen orori. Sormena, kirola argazkian, Easo igeriketa taldeko kideen atzoko erakustaldia, aldarrikapena eta elkartasuna nahastu dira egitarauan. Donostiatik kanpo ere zabaldu da aurten eskaintza, gainera.

Alarmak piztuta

Berria

Nafarroan, berezko arraza batzuk galzorian

60 urteko gaztea

Berria

Fender Stratocaster gitarra elektrikoa, 1954tik doinuka

Hemen da Olentzero

Berria

Gaur kalez kale eta etxez etxe ibiliko da, haurren begiradapean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna