Albistea entzun

Kantonamenduetarako bozak

EH Bairen itaunei erantzun diete UMP, PS eta Forces 64 alderdietako buruek

Atzo plazaratu zituen erantzunak EH Baik, irakurketarik egin gabe, «bozkatzaileen iritzia ez bideratzeko»
Daniel Harotzaren eta Xabi Larralde, atzoko agerraldian.
Daniel Harotzaren eta Xabi Larralde, atzoko agerraldian. BERRIA

Jenofa Berhokoirigoin -

2011ko martxoak 25

Kontseilu Nagusian Alderdi Sozialista, UMP eta Forces 64 alderdien presidente direnei, EH Baik egin lau galderak zehatzak ziren; erantzunak, haatik, ez hainbeste. Nahiz Bai ala Ez hitzekin erantzutea aski izan, luzatu dira hirurak; hitz eta esaldi bakoitza ontsa kalkulatu dituzte, eta batzuetan galderari erantzutea ahantzi dute. Erantzunak plazaratu zituen atzo EH Baik. Haatik, ez zuten haien irakurketa aurkeztu, «bigarren itzuliari begira bozkatzailearen iritzia ez bideratzeko», Xabi Larraldek eta Daniel Harotzarenek zehaztu zutenez.

1. Instituzioa

Sei hilabete barne, Ipar Euskal Herriko etorkizun instituzionalari buruzko eztabaida Pauera eramanen ote duten galdatu, eta Jean Jacques Lasserrek (Forces 64) du argiki eman baietza eta Max Brisson (UMP) ez da aurka agertu. Georges Labazeek (PS) ezagupen instituzionalaren gaiari «esparru legal» bat eman nahi duela erranik, sozialistak gogoetatzen dabiltzan dezentralizazioaren 3. aktari buruzko eztabaidetan parte hartzeko gomita egin dio EH Bairi. 2012an Frantziako Presidentzialetarako bozketetan garaile badira, orduan planteatuko dute lurralde berrantolaketa hau. Orduan, «beste lurralde batzuen gisara, Euskal Herria esperimentazio gune izan daitekeela» zehaztu du. Urte bat barne, ezagupen instituzionalari buruzko kontsulta antolatzeko engaiamendua hartzen duten eskatu, eta inork ez du argiki erantzun, nahiz inork ez duen ezezkoa erran. Lasserrek dio kontsulta aitzin, «zehazkiago definitu beharra» dela instituzioa.

2. Ofizialtasuna

Departamenduan euskarak ofizialtasuna baduela adierazteko mozio bat proposatuko ote duten galdatu diete bigarrenik. Brissonen ustez, «sinbolikoa» litzateke baina «egingarria» dela dio. Gehitzen du, egunerokoan, euskararen erabilera garatzea «inperatibo» bat dela, eta Kontseilu Nagusiak «etsenplua eman beharra» duela. Lasserrek «laster» egin daitekeela dio, eta «koofizialtasuna erabat hausnartua edo gogoetatua» izan daitekeela. Brissonen gisa, oroitarazi du euskararen alde Kontseilu Nagusiak egindakoa, gehituz «urrunago» joanen direla, «nahi duten guztiek hizkuntza hau naturalki erabili ahal izan dezaten». Nahiz zehaztu «garrantzi handia» dutela euskararentzat, ez du galderari erantzun Labazeek; EEPk egin lana goraipatu du.

3. AHT

AHTaz, Kontseilu Nagusiaren eta estatuaren artean den protokoloaren ez izenpetzera engaiatzen ote diren galdatu diete, eta, horrekin batera, ea egitasmo horri zuzenduriko aurrekontua gizarte politikarantz eta enplegu iraunkorrei buruz baliatzea onartzen ote duten. Lasserrek du argiki erantzun baietz, eta berretsi AHT bide berriaren aurka dela. Brissonek eta Labazeek ez dute erantzun. Haatik, Brissonek zehaztu du UMPn ez dagoela iritzi bakarra, eta Labazeek berretsi egin du AHTaren alde direla.

4. Bake prozesua

Azkenik, galdetu diete zein iniziatiba hartzeko prest diren Euskal Herriak xede duen bake prozesua laguntzeko eta Frantziak manera baikor batez parte hartzeko. Brissonek eta Lasserrek txalotu dute aro politiko berri hau. Lasserrek argiki dio prozesu horretan «urratsak bi aldeetarik izan behar direla» eta bide berri hau eraikitzeko bere laguntza eskaintzeko prest agertu da: «Diskrezioa behar da, eta ez dut molde publikoan eginen, baina berriz diot: pertsona zintzo guztiekin lan egiteko prest naiz, aro berri hau gauza dadin». Horrez gain, ezker abertzaleko «jendeak eta ordezkariak» entzun behar direla zehaztu du. UMPkoak ere erran du prozesuan parte hartu behar duela Frantziak. Horretarako beharrezko den giro politikoa lortzeko, «hautetsi eta alderdi guztien arteko elkarrizketak azkartu» eta «tresna politikoen egituraketa hobetu» behar direla dio.

Labazeek, berriz, uste du kantonamendua baino haratago doala auzia, eta Frantziako eta Europako politikari lotua den gaia dela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ione Belarra duela bi aste, Madrilgo hauteskundeetarako kanpainan. ©Victor Lerena / Efe

Belarrak aukera handia du UPko idazkari nagusia izateko

Igor Susaeta

Alderdi moreak Herritarren Batzarrera deitu behar du Pablo Iglesiasen ordezkoa izendatzeko. 'Infolibre' agerkari digitalak plazaratu du albistea, Unidas Podemosen iturriak aipatuz.

Pablo Iglesias, politikari agur esan zion agerraldian, herenegun, Madilen. ©KIKO HUESCA / EFE

Bipartidismoa amaitu zuena

Igor Susaeta

Unidas Podemoseko liderrak politika utziko duela eta, Iglesiasen alderdikide izandakoek haren ibilia goratu dute. «Erantzunak ematea» lortu duela nabarmendu dute Nagua Albak, David Sotok eta Roberto Uriartek

Iglesias, Madrilgo bozetako kanpainako ekitaldi batean. ©David Fernandez / Efe

Piztutakoa itzali aurretik, badoa

Iosu Alberdi

Iglesiasek eta bestek 2014an sortu zuten Podemos, M-15 mugimenduaren abaroan. Sei urtean, presidenteorde izatera iritsi da, baina, jada batzen laguntzen ez duelakoan, agur esan dio politika instituzionalari.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna