Bira
Khady Demba
Ehunka dira Sahara behereko herrietarik Europara abiatzen diren migranteak, oraindik ere, nahiz eta harresiak ezin gaindituzkoagoak bilakatu. Smain Laacher soziologoak Pariseko La Dispute argitaletxean De la violence à la persécution, femmes sur la route de l'exil izeneko liburu ukigarria plazaratu du duela gutxi. Atzerrirako bidea gehienentzat gurutzearen bidea dela erakusten dute aljeriar jatorrizko ikerlariak bildu hiruhogeita hamar lekukotasunek.
Ipar-ametsa alaina inguma gaiztoa da xendra osoan zehar: giltzatuak dira, bortxatuak, prostituitzera behartuak Magreb eskualdea emakumeei jasan arazten zaizkien biolentziekiko axolagabea delakoaz balia. Borreroak hurbilekoak dituztela argi dago: bidaia lagunak, pasatzaileak eta herrialde bakoitzetako botere ezberdinen ordezkariak. Smain Laacherek ondorioz emazte migranteak Errefuxiatuen Komisaria Gorenak geriza ditzala proposatzen du.
Marie Ndiayen Hiru Emazte Indartsu nobelako Khady Dembaren figura datorkit gogora aspalditik interesatzen nauen gai honi uztartzen natzaiola. Smain Laacherek zerrendatu min guztiak pairatu zituen, 2005eko urrian hain zuzen, Melillako zerrailuari jauzi egitean azken hatsa ematen zuela.
Tiro pean.
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
