Bira

Laku lakoak

2011ko maiatzak 8

Korrika apoteosikoaren ondotik, Bildu legalizatu berrian, Senperen gaude Herri Urratsen karietara, aintziraren inguruan metronomoen antzera inguruka. Itzuli bat, bi itzuli, mitzuli ugari emango diogu gaur, mundua irudikatzen duen euskararen lakuari. Hizkuntzak nahasten dira, ezpainetan bezain bihotzetan, ahalke eta beraien arteko hierarkia gutxieslerik gabe.

Zuberoako aspaldiko lagunari deitu nion hitzordua bertan finkatzeko. Merkapide enpresako autobusez etorriko dira urte oroz bezala: osagarrian gireno Senperera hüllantüko gütüzü eman zidan arrapostu eta irriz lehertu nintzen. Nioen orduan neurekiko txantxetan: bizitza hüts egin arren, Herri Urrats pürü ez dügü seküla hüts egin. Prefosta. Nire euskal glosolaliak harritu eta poztu ninduen, alaina.

Barabarak dirau. Edozein euskalkitan. Denbora gurea da. Hiru egurraldi mota dastatzen ditugu Senperen: lainoa goizean, eguzkia eguerdian, euri uhar ona arratsaldean eta gauerako guztia garbitzen dituen haize mehea. Maite dugun Euskal Herria horrelakoa da: adi egotera behartzen gaitu, gertu egundainokoan, saminaren hildotik karmina datorkigula, aurre-iritziak behin betiko baztertuz.

Lakua lakoak dira milaka kalakak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut