Bira

Migranteenak

2011ko maiatzak 19

Europak, berezi Frantziak, mugak hersteko xedea daukanean eta atzerritarren aurkako zabarkeriak biderkatzen direnean eskuin muturretako politikarien ahoetan, kanpotik hurbildu besoak ekonomikoki baliagarriak zaizkiola agertzen du OCDE erakundearen 2010eko txostenak. Batetik lanik nekeenetan dabiltza eta bestetik lanaren kostuak nagusientzat apal arazten dituzte, inposak ordainduz edozein hiritarren antzera. Emigrazioak jendetza europearren zahartzearen zama arintzen du gainera eta krisia datorrenean migrante legalak dira langabeziaren lehen biktimak.

Txostenaren arabera, topikoak halatan purruskatzen dituela, bortxazko lumpen langileria horrek fortunaren gaineko zergak baino lau aldiz diru gehiago isurtzen du Pariseko agintarien ubideetara. Halaber erretreten norabide aholkularitzak azaldu du 2050ko epean pentsioen astuneria puntu erdiaz murriztu lezakeela urte oroz berrogeita hamar mila kanpotarrei etortzea baimentzen balitz. Ondorioz, edo boteretsuek ez dituzte OCDE-aren idatziak irakurtzen edo diskurtso xenofobikoak datxizkate jendaldeen sendimenduak manipulatzeko, infantilizatuko gaituen fazismo zuria hedatzea helburu.

Aukera ederra da hondarrean Lampedusa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut