Ehunka lagunen ekarpenak jaso ditu BERRIA Taldeak astebetean

Durangoko Azokan bi postu izango ditu taldeak; han ere, 'Zure ziztada behar dugu' mezua zabalduko dute
Azaroaren 26ko bilkuran bildutakoak, kanpainaren leloa eskuan dutela.
Azaroaren 26ko bilkuran bildutakoak, kanpainaren leloa eskuan dutela. GORKA RUBIO / ARGAZKI PRESS

Jon Olano -

2011ko abenduak 4

Zure ziztada behar dugu kanpaina abiatu eta astebetera, ehunka pertsonak atxikimendua eman diote BERRIA Taldeari. Etorkizuneko erronkei aurre egin ahal izateko egitasmoaren helburua urtean ehuna euro emateko prest dauden 5.000 lagunen ekarpenak biltzea bada ere, kanpainaren arduradunek jakinarazi dute era askotariko laguntzak jaso dituztela; ehun eurotik gorakoak batzuk. Astebetean BERRIAlagun egin direnen artean, sarea baliatu dute gehienek ekarpena egiteko. Erabilitako bidea edozein dela ere, guztiei esker ona helarazi nahi izan diete kanpainaren arduradunek, eta «pozik» azaldu dira orain arte jaso dituzten atxikimenduekin.

Azaroaren 26an kanpaina abiatu zenetik hainbat dei eta posta elektroniko jaso dira informazio eske BERRIAren egoitza nagusian, Andoainen (Gipuzkoa). Orain, kanpainaren mezua hedatzen jarraitzea da BERRIA Taldearen helburua: «Gizartea ohartaraztea euskaraz bizitzeko zeinen garrantzitsuak diren, besteak beste, euskarazko hedabideak». Horretarako, gaurtik datorren ostegunera bitartean Durangoko Euskal Liburu eta Disko Azokak eskainitako abagunea baliatuko du. BERRIA Taldeak bi erakustoki izango ditu han, eta BERRIAlaguna egiteko aukera izango dute herritarrek. Izan ere, egunkariaren ohiko produktuez gain, BERRIA Komunitateko kide egiteko eskuorriak egongo dira, eta horiek hartu eta ingurukoen artean banatu nahi dituenak ere eskura izango ditu eramateko.

«Denona den proiektu hau denon artean egitea da helburua», adierazi zuen BERRIA Taldeko kontseilari ordezkari Joanmari Larrartek, iragan azaroaren 26an Martin Ugalde kultur parkean (Andoain, Gipuzkoa) eginiko bilkura irekian. Erleen abaraskaren bidez irudikatu dute BERRIAren irakurle, harpidedun eta bazkideek osatutako komunitatea, eta komunitate horretara diru ekarpenak egingo dituztenak batzea nahi du komunikazio taldeak. Diru «ziztadek», ordea, izango dute saririk, BERRIA Taldeko produktuetan abantailak izango baitituzte BERRIAlagunek, eta taldearen jardueren berri izango dute.

Egoera «paradoxikoa»

Enpresak duen egoerak behartuta abiatu du kanpaina BERRIA Taldeak. Izan ere, paperezko edizioaren irakurle kopuruari eusten dion arren, eta Interneten bisita asko —batez beste 19.000 bisita egunero, CIESek jakinarazitako azken datuen arabera— izaten diren arren, taldearen egoera ekonomikoa zaila da. «Paradoxikoa bada ere, inoiz baino irakurle gehiago dituen garaian ari dira behera egiten BERRIAren diru sarrerak», adierazi zuen Larrartek.

Komunikazioaren arloan gertatutako kontsumo ohituren aldaketari eta laguntza publikoen nahiz publizitatearen bidezko diru sarreren gutxitzeari egotzi zizkion Larrartek taldearen zailtasunak. Sareak protagonismoa irabazi du komunikazioan, baina bide horrek, doakoa izanik, apenas ematen duen diru sarrerarik. Hala, egunkariak zail izango du erronka berriei ekitea eta informazioa euskarri berrietara egokitzea. Hortaz, www.berria.info webgunearen ohiko jarraitzaileentzat egingo da kanpaina bereziki.

2003an sortu zen BERRIA egunkaria lehenbizi, eta BERRIA Taldea ondoren. Zortzi urteko ibilbidean, proiektua sendotu eta hazteko ahalegina egin du taldeak: Irrien Lagunak eta Nora aldizkariak, tokian tokiko Hitzak, Berriketan.info sare soziala eta Bidera mezularitza zerbitzua merkaturatzea dira ahalegin horren ondorioetako batzuk.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bainako Oihana ikastolako eta Estitxu Robles kolegioko ikasleak ©Gillaume Fauveau

Ziburuko eskolan agerraldi bat atzeman dute

Oihana Teyseyre Koskarat

Eskualdeko Osasun Agentziak agerralditzat jo du Aristide Briand eskolako kasuen agertzea. Zazpi haur kutsatu dira, gutxienez.

Mekanikari bat lanean, iragan apirileko irudi batean. ©Jon Urbe / FOKU

Ekonomia %19,5 jaitsi da bigarren hiruhilekoan, aurreikusi baino pixka bat gutxiago

Imanol Magro Eizmendi

Langabezia datuetan ere arindu egin dira uztailean eginiko aurreikuspenak: %17,2 izan zen tasa

 ©Raul Bogajo / Foku

Ziurtasunik ez ikasle pisuetan

Maria Ortega Zubiate

Ikasle pisuen egoerari buruzko kanpaina bat jarri du abian Euskadiko Gazteriaren Kontseiluak. Ziurgabetasunaren aurrean, klausulak eta halakoak jartzen hasi dira.

Baionako campuseko ikasleak, maskara jantzita. ©GUILLAUME FAUVEAU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Jon Olano

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna