Albistea entzun

Futbola. Polonia eta Ukrainako Eurokopa: Espainia-Portugal finalerdia

Bizilagun zaharrak

Espainiak eta Portugalek Eurokopako lehen finalerdia jokatuko dute gaur Donetsken, eta partida gogorra eta orekatua espero da

Baloia Espainiak izango du, eta Portugal kontraerasoan ahaleginduko da min egiten

Jon Eskudero -

2012ko ekainak 27

Espainiak talentu latza du baloiarekin; Portugalek, kontraerasoan. Espainiak pazientzia du xede gola egiteko; Portugalek nahikoa ditu bizpahiru segundo. Pasean oinarritzen da espainiarren jokoa; jaurtiketan, portugaldarrena. Horizontalki jokatzea du gustuko lehenak; bertikalki, bigarrenak. Futbolean ezer desberdinik bada, hori Espainiaren eta Portugalen artean dagoen mentalitatea da. Futbola ulertzeko bi modu dira, Bartzelonarena eta Real Madrilena bezalaxe. Baloia jokatzeko bi era, bi era on. Bada, osagai horiek guztiak kontuan hartuta, partida ederra ikusi ahal izango da gaur, Donetsken. Eurokopako finalerako aurreneko aukera izango dute jokoan bizilagun zaharrek Donbass Arenan.

Bizilagun zaharrek, bai. Izan ere, aspaldiko ezagunak dira Espainia eta Portugal. Elkarren kontrako azken urteetako lehiei erreparatuta, aurki daiteke kontu interesgarririk. 2010eko Hegoafrikako Munduko Kopako final-zortzirenetan, esaterako, Espainia nagusitu zen norgehiagoka zoragarri batean. Sei urte lehenago, baina, Eurokopatik kanpo utzi zuen Portugalek Espainia multzoen ligaxkan. Dena den, aurrez aurre azkenekoz orain bi urteko azaroan aritu ziren, Lisboan (Portugal). Lagunarteko neurketa jokatu zuten, eta etxekoak 4-0 gailendu ziren. Espainiak lehen partida zuen munduko txapeldun izanez geroztik, eta egurra jaso zuen.

Beraz, gaur faborito garbi zelairatuko den arren, erne ibili beharko du. Espainia beti da faborito, izan bataren kontra edo bestearen aurka. Txapelketa ofizialak aintzat harturik, azken 47 partidetatik soilik hiru galdu ditu. Gainera, ezin da ahaztu jokaturiko guztia irabazi duela azken lau urteetan.

Espainia ez bezala, sufrituta sartu da finalerdietan Paulo Bentoren selekzioa. Egia esanda, multzoa ere halakoxea zuen. Lehen bi neurketak berdindu ondoren, erakustaldia eman zuen Herbehereen aurka, eta Txekiaren kontra ere ildo beretik jarraitu zuen. Zelaitik kanpoko sesioetatik eta liskarretatik ongi ari dira urruntzen jokalariak. Konfiantzaz gainezka daude, eta Espainiari kosk egiteko prest.

Bi selekzioetako hautatzaileek ez dute aparteko aldaketarik egingo hamaikakoan. Del Bosquek orain arteko sistemari eutsiko diola dirudi, Cesc Fabregas jokalaririk aurreratuena dela. Portugalek, berriz, derrigortuta utzi beharko du aulkian Helder Postiga, min hartuta dagoelako. Haren ordez, Hugo Almeidak edo Silvestre Varelak jokatuko du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Bengoetxea VI.a, gaur, Bilboko Bizkaia pilotalekuan. ©Monika del Valle / Foku

Bengoetxeak ez du azken hitza esan

Paulo Ostolaza

Neurketaren bigarren erdian nagusitu da Bengoetxea. Gaur galduta, aurrera egiteko aukerarik gabe geratu da Elordi, eta Etxeberria finalerdietan da jada.

Cardoso, gaur, zazpi metroetako jaurtiketa bat botatzen. ©Idoia Zabaleta / Foku

Bera Berak berdindu egin du Paris 92ren aurkako joaneko neurketa

Paulo Ostolaza

Europako Ligako bigarren kanporaketako lehen partida jokatu dute gaur Donostian. Super Amara Bera Berak bizpahiru goleko errentak izan ditu bigarren zatian, baina erasoan ez du asmatu azken minutuetan.

Ospakizuna betea izan da

Ospakizuna betea izan da

Ainara Arratibel Gascon

Realak 1-0 irabazi dio Mallorcari azken unean, Lobetek sartutako golari esker. Txuri urdinak lider jarri dira. Bigarren zati osoa bat gutxiagorekin jokatu dute, epaileak bi txartel hori erakutsi baitizkio Aihen Muñozi

Bizkaiko Batel Ligaren 7. eta 8. jardunaldiak, 2019ko martxoan. Bizkaiko arraun taldeetako 500 neska-mutil batu ziren. / ©Bermeo Arraun Argazkiak

Pandemiak moteldu egin ditu

Natalia Salazar Orbe - Bizkaiko Hitza

Bizkaiko Futbol eta Atletismo federazioek esan dute behera egin duela bi kirolotan federatu diren gazteen kopuruak. Uste dute gazteek beste ohitura batzuk hartu dituztela azken aldian, pandemiaren ondorioz. Arraunera gazte gehiagok jo dute, baina fitxa kopurua antzekoa izango da aurten ere.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna