Matignonen

Matignonetik heldu da erantzuna. Ipar Euskal Herriaren aldarriak lehen ministroaren agendan egotea lortu du. Hark ihardetsi du, ez ministro batek. Egitura politiko indartua aipatu du. Gaurko tresneria juridikoa aipatu du horra heltzeko, eta bi bide deskribatu. Batetik, herri elkargoak biltzea eta polo bat osatzea; bertze aldetik, Ipar Euskal Herria poloa deitzea proposatu du. Kontratu berria izanen da, baina mamia osatzeko dago oraindik. Ipar Euskal Herriko eragileen aldarriak eskuak erretzen ditu Parisen, eta hori da elkar hartzeak ekarri duen fruiturik nabarmenena, metodoa, indarrak biltzea eta herri gisa ihardestea. Eragileek elkar hartu eta gerri politikoa beharko dute eskumenak lurralde kontratu horretan kokatzeko, geroan aitorpen instituzionala erdietsi ahal izateko.