IMANOL ARIASI, ZINEZKO BIZITZA SARIA

Imanol Arias aktore gipuzkoarrak Zinezko Bizitza saria jaso zuen atzo arratsaldean Donostian. Zineman egindako ibilbidea saritzeko Kutxak sortutako aitortza Antonio Mercerok, Elias Kerejetak, Xabier Elorriagak eta Pedro Oleak jaso dute aurreko urteetan. Kutxa aretoan egindako ekitaldian, Mikel Cristik sorturiko Bilbe V eskultura eman zioten Imanol Ariasi, eta, ondoren, aktorearen lehen film arrakastatsua eman zuten, Imanol Uriberen La muerte de Mikel.