Albistea entzun

Otegi Sorturen gidaritzan nahi dute militante askok

Parte hartu dutenek 400 zuzenketa baino gehiago aurkeztu dizkiete Sorturen oinarri ideologikoei

Erredakzioa -

2013ko urtarrilak 20

Sorturen eratze prozesuan parte hartzen ari diren ezker abertzaleko oinarrietako herritar askok Arnaldo Otegi alderdiko zuzendaritzan egotea nahi dute, nahiz eta ezker abertzaleko buruzagia preso egon. Maribi Ugarteburu ezker abertzaleko bozeramaileak azaldu duenez, «dozenaka hautagairen alde» bozkatu dute herriz herri eta auzoz auzo egiten ari diren batzarretan. «Batzarretan proposatu diren dozenaka izen ditugu dagoeneko. Horien artean nabarmentzen direnetako bat da Otegi», esan du Ugarteburuk. Zehaztu du oraindik ez dutela bozketarik egin, hori otsailean egingo dutela, eta izendapena Sorturen eratze kongresuan egingo dutela.

Ugartebururen hitzetan, alderdiaren eratze prozesuan parte hartzen ari direnek nahi dute Otegik «arduraren bat» izatea Sortun. «Nahiz eta jakin hori oraingoz ez dela posible, modu sinbolikoan haren izena jarri dute», azaldu du.

Sortzaile prozesuaren barruko oinarri ideologikoen eztabaidan, bestalde, 400 zuzenketa baino gehiago egin zaizkio hasierako egitasmoari; horiek 33 arlori egindako 90 zuzenketetan barnebildu dituzte. Arlo horietako 15etan hasierako proposamenari eutsi zaio, eta 18tan zuzenketen bidez proposatutakoa onartu da.

Txostenak, besteak beste, Euskal Estatua sortzea proposatzen du, eta herritarrei galdetzea Europako Batasunean sartu edo ez. Sozialismoa ulertzeko modu desberdinek Sortun lekua dutela ere onartu dute, «betiere, printzipio minimo batzuen barruan». Euskarari dagokionez, txosteak dio euskal estatua «euskararen iraupenerako oinarrizko tresna dela, baina ez nahikoa». Baita hau ere: «Euskara izango da euskal estatuaren bermea».

Sexu askatasunari eta antimilitarismoari dagozkien bi proposamen gehitu zaizkio txostenari. Bigarrenari dagokionez, honela dio: «Antimilitarista gisa definitzen du bere burua Sortuk. Horrela, lehenik eta behin Euskal Herrian finkaturik dauden okupazio indar militarrek alde egitea du helburu. Era berean, NATOtik kanpo kokatuko luke bere burua euskal estatuak, eta ez luke armada baten sorrera bultzatuko».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Jakes Abeberri abokatu, politikari, dantzari eta euskaltzale abertzalea, Miarritzen. ©DANIEL VELEZ

Abertzaleen ibilbidean erreferente

Jone Arruabarrena Ekhi Erremundegi Beloki Iñaki Etxeleku

Jakes Abeberri hil da, 92 urte zituela. Enbata mugimenduaren sortzaileetako bat izan zen, eta izen bereko aldizkariaren zuzendari. Astelehenean omenduko dute, Miarritzeko elizan

Euskal kulturaren «pizkundearen sortzailetzat» jo dute Abeberri

Ainize Madariaga

Euskal Dantzarien Biltzarreko presidente izan zen. Abeberrik dantza profesionalizatzearen alde eginiko lana nabarmendu du Filgi Claveriek

Jakes Abeberri hil da, abertzaletasun mugimenduan erreferentea

Jone Arruabarrena - Ekhi Erremundegi Beloki-Ainize Madariaga

Enbata mugimenduaren sortzaileetako bat eta izen bereko aldizkariaren zuzendari izan zen Abeberri. 92 urterekin zendu da.

Foro Sozialak gonbidatuta, «Memorien elkarrizketa» proiektuan parte hartu duten boluntarioak, Nafarroako Parlamentuan. ©Iñigo Uriz / FOKU

Foro Sozialak 'Memorien elkarrizketa' proiektua aurkeztu du Nafarroako Parlamentuan

Ion Orzaiz

Indarkeriaz gogoeta egin eta «elkarrizketarako espazioak» sortzeko beharra aipatu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.