DANTZA ETA KANTU ETENGABEA MADIBAREN OMENEZ

Nelson Mandelaren hileta ekitaldiak etzi dira hastekoak, baina zendu zenetik etengabeak dira Hegoafrikako hiri eta herrietako kaleetan haren alde egin diren ekitaldiak, dantzan eta giro alaian anitz. Mandela sendiaren bozeramaile Themba Mathanzimak eskerrak eman dizkie herritar guztiei, eta aldarrikatu du Mandela ez zela «soilik Hegoafrikako herritarra, herritar globala baizik». Gobernuak Otoitzerako eta Gogoetarako Egun Nazionala iragarri du gaurko. Jacob Zuma presidentea Bryanston hiriko eliza metodista batera joatekoa da. «Dolua agertzerakoan, ahots ozenez abestu, dantzan egin edo nahi den guztia egin beharko genuke, iraultzaile ikaragarri honen bizitza ospatzeko», esan du Zumak. Irudian, herritarrak dantzan Houghtonen, Mandelaren etxearen parean.