Albistea entzun

47. Durangoko Euskal Liburu eta Disko Azoka

Sentimenduz

Lucien Etxezaharreta, Xabier Soubelet eta Ainara Maia Urrozen liburu bana argitaratu ditu Maiatzek
Lucien Etxezaharretaren bakarkako bigarrena da <em>Begira</em> eta Xabier Soubeleten bosgarrena <em>Oroitzirriak II</em>.
Lucien Etxezaharretaren bakarkako bigarrena da Begira eta Xabier Soubeleten bosgarrena Oroitzirriak II. G.IROZ

Nora Arbelbide -

2012ko azaroak 22 - Baiona

Halako tripako min batekin zebilela aitortu du Lucien Etxezaharretak. Hain usatua Maiatz aldizkariaren zenbaki berriak aurkezten, edota argitaratu liburuen berri ematen, aldi honetan, hark berak idatzi Begirada liburua aurkeztea zaio tokatu. Hainbat lan argitaratuak baditu euskarri kolektiboetan, bakarkako bigarren lana du Begira. Hortaz, hauskortasun bat senti zitekeen liburuaz mintzatzean: «Duda anitzen ondotik sortu lana» dela azaldu du. Azalean agertzen den irudiak ere izan du horretan bere eragina. Hor, neska txiki bat ageri da, gora begira, eskuekin ikurrina atxikitzen duela. Gernikako geltokiaren inguruetako murru bateko freskoa da: «Haur horren begiradak inpresionatu ninduen. Harritua, munduari begira dela. Eta ohartu naiz, azken batean, ni ere horrela egona nintzela».

Garai berdintsuetan, bilketa lanean ari zela, zaku batean elkarturik, duela 45 bat urte izkiriatu gauza andana bat aurkitu zuen. Hortik galdera, «ea berrikiago idatzi gauzekin junta zerbait bazenez». Eta baietz dirudi, guztiak elkartu baititu Begira bilduman. 80 testuen bidez, poemak barne, iraganari, barnean sentitu duenari begira jartzen den liburua da: «Hemen bildu testuak bide bazterretan ibili mirail batzuen gisara itzali nahi ez den argi zerbaiten umeak dira, presaka doan biziak bazuela eta baduela, libertatearen adarrei lotuz, munduen soka luzean, irauteko arrazoirik».

Gazte denborako munduaren berri emateaz gain, oldar franko ere agertzen da bertan: «Diskretuki, sobera oihukatu gabe ere. Heriotzaren aurka bereziki». Aspaldiko desioa baitu ikustea ea heriotzaren, ezabatzearen aurka joaten ahal denez testuen bidez: «Hori da behar bada idazleen ametsa. Biziari iraunaraztea hitzekin. Beharbada, hori entseatu naiz egiten. Esperantza nonbait badela sinetsi nahiz».

Irria sortu nahi dutenak

Barneko sentimenduz josirik, oroitzapenak ditu ekartzen Xabier Soubelet Xubiltz margolari idazleak Oroitzirriak II liburura. Hau ere Maiatzek argitaratua, duela bost urte argitaratu Oroitzirriak (Maiatz) liburuaren haria segitzen du. Hemen ere berrogei bat kronika elkartzen ditu. Bien artean, enfokea da aldatzen doi bat, azpititularrek azaldu dezaketena. Lehena Baztaneko lapurtar baten leihotik zuen azpititulatu Soubeletek. Berri hau, berriz, Lapurdiko baztandar baten leihotik: «Lehenbizikoan Baztango istorioak ziren. Gazte denbora eta oporretan egindakoak. Hemen, gehiago agertzen dira Lapurdin bizituak, nahiz eta Baztan agertu», esplikatu du autoreak. Hori bai, lehenean bezala, bigarrenean ere «irri egiteko istorio umoretsuak dira». Bazuen gogoa horrelako zerbaiten idazteko: «Irri guti agertzen baita euskal literaturan». Etxezaharretak nabarmendu du euskaltzaleen, abertzaleen mundua aipatzen dela ere, «halako saihetseko begirada batekin».

Maiatzek kaleratu hirugarren berrikuntza Ainara Maia Urroz irundarraren Chansons d'amour / Ilargi beterik gabeko gaua liburua da: «Amodiozko atsegin, minak eta esperantzak» agertzen dituena Etxezaharretaren hitzetan. «Barneko sentimenduen inarrosaldi horietan anitzek beren burua aurkituko dute dudarik gabe». Txekian irakasle, abenduan aurkeztuko du autoreak berak liburua Irunen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©GORKA RUBIO / FOKU

«Ez dakit hizkuntzak ez ote nauen ni menderatzen nik bera baino gehiago»

Itziar Ugarte Irizar

Mundu baten bukaera bizitzearen kontzientziaz eta pertsonala eta kolektiboa «harmonizatzeko» nekeaz aritu da 'Landura' lan berrian. Hamargarren poema liburua du, eta, bide horretan, komunitate bati idaztearen sentipena izan du lagun.
Bingen Zupiria sailburua eta Aizpea Otaegi Errenteriako alkatea, atzo, liburuaren egileekin. ©ANDONI CANELLADA / FOKU

Arbola sendoa musikaren ekosisteman

Naroa Torralba Rodriguez

'Musikaste 1973-2022. Euskal musikaren 50 urte' liburua eman du Eresbilek. Jaialdiak mende erdia bete duela-eta argitaratu dute

Maialen Lujanbiok idatzi du liburuko testua, eta Arrate Rodriguezek ondu ditu ilustrazioak. Irudian, bi egileak, atzo, Donostian. ©JAGOBA MANTEROLA / FOKU

'Traste arrunten barruan zuk zer ikusten duzu?' album ilustratua argitaratu dute

Miren Mujika Telleria

'Traste arrunten barruan zuk zer ikusten duzu?' album ilustratua argitaratu dute Maialen Lujanbiok eta Arrate Rodriguezek, Pamiela argitaletxeko Bagara sailean. Albumak Rosa Valverde artistaren lana ezagutaraztea du xede

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...