HITZ BESTE

Kontsolamendua

2017ko urtarrilak 19

Aforismo asmatu berri baten arabera, «gero eta botere gehiago, orduan eta segurtasun gutxiago». Boteretsuak badaki etsaiez inguratuta dagoela, badaki bere inguruko lausengarien artean dagoela traizionatuko duen Judas, bere aulkia berotu nahi duen ipurtestua. Boteretsua ere halaxe egon zen itzalean, une egokiaren zain, bere aurrekoa noiz eroriko. René Goscinnyk, Asterix edo Lucky Luke komiki ezagunen gidoilariak —komikia izango da gidoilariei merezitako garrantzia ematen dien arte bakarra—, Iznogud izeneko pertsonaia asmatu zuen: «visirraren tokian visirra» izan nahi duen pertsonaia iluna da Iznogud, ezti-ele ipurtzuria bezain azpijale satorra, zimarkuari zimarku dabilena visirraren lekuan noiz jarriko.

Orain artekoak aski ez, eta bihartik hasita ad nauseam emango dituzte Trumpen inbestidurako irudiak. Goragaleari eusteko, entreteni gaitezen Iznoguden bila haren jarraitzaile kartsuenen artean. Zerbaitekin kontsolatu beharra dago...

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut