HITZ BESTE

Komunetik

Anjel Lertxundi -

2017ko martxoak 29
Erdi Aroan (ere) latza behar zuen desberdintasunak, baina heriotzak denok berdinduko gaituela zuten kontsolamendu, Etxeparenaren bidetik: «non dirate egun hartan [heriotzarenean] hemengo jaun erregeak, jurista eta teologo, aitasantu, kardenaleak» eta maila goreneko jendilaje guztia. Esateko modu bat zuten: «segi, segi gu izorratzen, baina zuek ere hil egin behar!».

Baina beste munduko kitapenek eta izorratuta gauzkaten akain-zorneak gu baino beranduago hiltzeak kontsolamendu gutxi. Horregatik, gure izeba batek, oso praktikoa bera, mundu honetan bilatzen zuen bere mendeku ttipia, eta desberdintasun handienen erdian ere berdintzen gaituen eguneroko elementu bat baliatzen zuen pertsona harroputz hurbilekoak eta boteretsu urrutikoak bere neurrira ekartzeko: «horrek ere komunetik pasatu behar nik bezala». Horrela, obramenduarekin berdintzen zituen aitasantua (sotana jasota) eta Trump bezalakoak (galtzak jaitsita).

Eta ni, gure izebarekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna