Noiz sortua: 2018-06-02 00:30:00

155.a gainetik kentzeko ordua

Generalitateko Aldizkari Ofizialak atzo argitaratu zituen kontseilarien izendapenak, eta gaur egingo dute karguaren zina. Torrak «gobernua berrezartzea» du helburuetako bat
Joaquim Torra, erdian, Kataluniako Generalitateko presidente hautatu zuten egunean. Gaur hartuko dute kargua kontseilariek.
Joaquim Torra, erdian, Kataluniako Generalitateko presidente hautatu zuten egunean. Gaur hartuko dute kargua kontseilariek. TONI ALBIR / EFE Tamaina handiagoan ikusi

Jon Ander De la Hoz -

2018ko ekainak 2
Kataluniak gobernu berria izango du gaur. Joaquim Torra presidenteak astearte iluntzean sinatu zuen gobernuaren osaketa desblokeatzeko dekretua, eta atzo argitaratu zituen izendapen horiek DOGC Generalitateko Aldizkari Ofizialak. Hala, gobernu berriko kideek 11:30ean egingo dute beren karguaren zina. Kontseilariek zina egin ahal izateko haietako batzuk ordezkatu behar izan ditu Torrak, Espainiak uko egin diolako kartzelan dauden Jordi Turull eta Josep Rull eta erbestean dauden Toni Comin eta Lluis Puigen izendapenak argitaratzeari, «bideragarritasun arazoengatik». Haien ordez, Angels Chacon (Enpresa), Laura Borras (Kultura), Damia Calvet (Lurralde eta Iraunkortasuna) eta Alba Verges (Osasuna) ariko dira Generalitateko gobernuan.

Kontseilariek kargua hartzearekin batera, urritik indarrean den Espainiako Konstituzioko 155. artikulua bertan behera geratuko da automatikoki. Generalitateak asteartean iragarri zuenez, kontseilu exekutiboaren lehen bileran hartuko duten erabakietako bat izango da 155. artikulua «bere osotasunean» inpugnatzea. Gaur egingo dute lehendabiziko bilera hori, kontseilariek kargua hartu orduko. Torrak ez ezik, Roger Torrent Kataluniako Parlamentuko presidenteak ere parte hartuko du zin egiteko ekitaldian.

Kontseilari ohiei keinua

Izendapenen dekretua sinatu eta biharamunean Belgikara joan zen Torra, han erbesteratutako kontseilari ohiekin biltzeko. Orduan azaldu zuenez, gobernu berriaren «helburu» izango da aurreko gobernua berrezartzea: «Nire presidentetzako egunik zoriontsuena Puigdemont berriz inbestitzen dugunekoa izango da», adierazi zuen herenegun.

Horretarako, espetxean eta erbestean dauden kontseilari ohiekin noizbehinkako kontaktua mantentzeko agindu die gobernukide berriei; ez bakarrik haien «esperientziaren eta orientazioen» berri izan dezaten, herrialdeak bizi duen «ezohiko egoera» islatzeko keinu bat egiteagatik baizik. Horrez gain, Torrak dei egin die Kataluniako enpresariei elkarlanean aritzeko eta «elkarrizketan inplika» daitezen.

Iazko abenduaren 21eko hauteskundeen emaitzetatik sortuko da gobernu berria. Zazpi hilabete igaro dira ordutik, eta alderdi independentziazaleek hainbat oztopo gainditu behar izan dituzte gobernua osatu eta 155. artikulua deuseztatzeko. Gaur izango da.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 4an eguneratua, 14:00etan. ©BERRIA

Koronabirusaren azken datuak

Berria

Euskal Herrian 11.184 gaixok eman dute positibo koronabirusaren proba eginda. 650 hil dira. COVID-19 gaitza izandako 3.409 pertsonari eman diete alta. Grafikoak, albiste barruan.

Kale garbitzaile bat, Donostian. / ©Jagoba Manterola, Foku

Gutxienez hilaren 26ra arte iraungo du konfinamendu aginduak Hegoaldean

Berria

Pedro Sanchezek apirilaren 26ra arte luzatu du konfinamendua, goizean batzorde zientifikoarekin batzartu eta gero: «Gizarteak behar duen denbora da birusari aurre egiteko».

Ikurrina bat, Durangoko balkoi batean koronabirusak hildakoak gogoratzeko. / ©Raul Bogajo, Foku

Aberri Eguna balkoietan ospatzera deitu dute hainbat pertsona ezagunek

Jon Ordoñez Garmendia

Ikurrinak jartzeko eta ordu jakin batean euskal irratietan emango den abesti bat kantatzeko deia egin dute. Osasun krisian bizia galdu dutenak gogoratu, dolua adierazi, eta zaintzan dabiltzanei eskerrak emateko baliatu nahi dute. (ikusi nortzuk diren sustatzaileak, albistean).

Militarrak Pirinioetan

Jon O. Urain

Atzo Iruñean egon eta gero, Espainiako Armadako soldaduak Zaraitzu, Etxalar eta Sara inguruetan ikusi dituzte. Bideoa: militarrak, Etxalarren.

[Youtube]https://youtu.be/iUx48n-4EOA[/Youtube]

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna