Frantzia eta GAL auzia

Gaur, 'GAL: des tueurs d'État?' dokumentala emango dute Baionan; solasaldian Bruno Fay zuzendaria izango da
1985ean Baionako Monbar ostatuan GALek eginiko atentatua.
1985ean Baionako Monbar ostatuan GALek eginiko atentatua. BERRIA / BERRIA

Ainhoa Arano -

2012ko apirilak 21
Espainiako demokraziaren eskandalurik handienetarikoan, hau da, GALen auzian Frantziak izan zuen erantzukizuna oraindik ere argitu gabe dago. Horregatik, Baionako Xokoa elkartean gaiaren inguruko jardunaldi bat antolatu dute: GAL Baiona ttipian 1983-1986. 18:00etan, Daniel Velezen argazki erakusketa inauguratuko dute, eta, 19:00etan, GAL: des tueurs d'État? Canal+ kateko dokumentala emango dute.

Aurpegia ilunduta eta ahotsa faltsututa, lehenengo aldiz mintzatzen da Francis kamera aurrean. Frantziako Poliziak inoiz identifikatu ez zuen gizonarekin hitz egin dute Bruno Fay eta Xavier Muntz kazetariek dokumentalean. Francisek hoztasunez kontatzen du nola hartzen zituen GALek mertzenarioak, armak nondik jasotzen zituzten eta diruaren aferak azaldu, besteak beste. Frantziar funtzionario eta agintari politiko ohien adierazpenak jasotzen ditu lehenengoz lan horrek. Egileek hildakoen familiekin eta garai horretan atentatuen beldur ziren militanteekin ere hitz egin dute dokumentala osatzeko. Emanaldi horretaz gain, zortzietan gaiaren inguruko solasaldia egingo dute, xehetasun gehiago azaltzeko asmoz. Bertan izango da Bruno Fay, dokumentalaren egileetako bat; baita zenbait lekuko ere, hala nola Dominika Dagerre, Jakes Barthyrou eta Txetx Etxebarri. Sarrera doakoa da.

'GAL BAIONA TTIPIAN'

Noiz. Gaur, 18:00etan.

Non. Xokoa elkartean, Baiona.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna