Aitzindarien egitasmo berriak

Matxurak, Mikel Kazalis musikariaren talde berriak, eta Herstura taldeak kontzertua emango dute Oñatin
Txarly Diaz, Fer Apoa, Aitor Abio eta Mikel Kazalis, Matxurako partaideak.
Txarly Diaz, Fer Apoa, Aitor Abio eta Mikel Kazalis, Matxurako partaideak. Z / BESTEAK

Ainhoa Arano -

2012ko apirilak 28
Euskal musikan ibilbide oparoa izan du Mikel Kazalisek (1968, Zarautz, Gipuzkoa), eta orain egitasmo berria besapean duela itzuli da: Matxura taldea. Bidean, Fernando Apoa —El Corazon del Sapo, Kuraia, Estricalla—, Aitor Abio —PiLT— eta Txarly Diaz —Anestesia— bildu ditu abentura berri horretarako. Gaur kontzertua emango dute Herstura taldeaekin batera, Oñatiko gaztetxean (Gipuzkoa), 22:00etatik aurrera.

Kazalisek Estigia izeneko metal taldean eman zituen lehen pausoak, 80ko hamarkadaren hasieran; gerora Anestesia, Negu Gorriak, Bi Kate eta Kuraia taldeetan jotzeko. Azken boladan, ordea, musika elektronikoan murgildu da buru-belarri, musika eremu berrietara bidaiatuz. Hortik sortu da Matxura taldea, esperimentazio grina dago sorburuan. Emaitza, punk jarrera duten eta metal industrialez beteriko hamaika kantu indartsu dira. Eta musika oldarkorra bada, kantuen hitzek apokalipsira gerturatzen dute, non misantropia eta askatasuna diren hitzen ardatz nagusi. Musika egitasmoa grabazio estudioko laborategian sortu da, aurrez entsegu lokaleko lana egin gabe. Kontzertu nagusiaren aurretik Herstura taldeak egingo ditu berotze lanak. Oñatiko laukoteak taldearen izen bereko lehen diskoa kaleratu du berriki, melodikoki eta instrumentalki indartsuak diren sei abestirekin.

MATXURA + HERSTURA

Noiz. Gaur, 22:00etan.

Noiz. Oñatiko gaztetxean (Gipuzkoa).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna