Albistea entzun

Errua beti oposizioarena da

Autokritikarik egin gabe, «krisitik irteteko Nafarroa tokirik hoberenean» dagoela goraipatu du Barcinak legealdiaren azterketan.

Hauteskundeetara deitzeko foru dekretua sinatu du
Yolanda Barcina, atzo, Nafarroako Gobernuaren egoitzan, prentsaurrekoa ematen.
Yolanda Barcina, atzo, Nafarroako Gobernuaren egoitzan, prentsaurrekoa ematen. JESUS DIGES / EFE

Joxerra Senar -

2015eko martxoak 31 - Iruñea

«Datuek bakoitza dagokion tokian uzten dute». Yolanda Barcina Nafarroako lehendakariak parlamentuaren jarduera eten eta maiatzaren 24rako foru hauteskundeetara deitzeko dekretua sinatu zuen atzo. Bere agintaldiaren balantzea egiteko orduan, «legealdi zaila eta bizia» izan zela adierazi zuen, baina ez zuen akatsik onartu. «Legealdi honetako datu guztiek erakusten dute krisia gainditzeko eta enplegua berreskuratzeko irteera tokirik hoberenean gaudela. Posturik hoberenetan gaude ere hezkuntza, osasun eta gizarte politiketan». Haren ustez, gobernuaren jarduera «erantzukizunak eta seriotasunak» gidatu du eta «ahalik eta gestio hoberena» egin du. Buruatsegin ariketa hori egin ostean, bere bakardade politikoa gainerako taldeei egotzi zien: «Neurri guztiak bakarrik egin ditugu, oposizioak ez gaitu ulertu eta euren kritiketatik at ez dira gai izan alternatiba bakarra egiteko».

Bere burua oposizioaren oposizioburu izendatuta, beste alderdiak gobernuari enbarazu egiteko jarrera erakutsi dutela saldu du. Haren baloraziotik kanpo geratu da legealdiko gertakari nagusia: Nafarroako Kutxaren galera.

Haren bakardadean zerikusi zuzena izan zuen Roberto Jimenez kargutik bota eta PSN gobernutik kanporatu izanak. Alta, Barcinak «egoera ekonomiko zailari» egotzi dio gobernu krisia. Lehen urtean murrizketa handiak egin behar izan zituen, eta, Barcinaren aburuz, «gobernu barruan oposizioa egiten ziharduen» Jimenezek. Haren ustez, koalizio gobernua «funtzionatu ez zuen formula on bat» zen, eta egoera ekonomikoa hobea balitz, «gehiago iraungo zukeen».

Barcinak legealdi amaierara onik iristea lortu du, eta, haren ustez, esfortzuak etekina emango dio UPNri: «Hala ere, merezi izan du amore eman ez izanak, eta hor daude datuak. Hemen gaude herritarrei zerbitzua emateko, bizi-kalitatea hobetzeko edo gutxienez, ez kalte egiteko».

Datuak alderatzean, beti Espainia hartu du erreferentzia gisa, Nafarroa egoera hobean dela azpimarratzeko. Kontrara, gogora ekarri diote kazetariek inkestetan herritarren gehienek egoera ekonomikoa ezkortasun handiagorekin ikusten dutela, eta talka egiten duela horrek bere analisiarekin. «Nik ez dut adjektiborik jartzen; nik datuak ematen ditut», aipatu zuen eta gaineratu: «Ez dakit zergatik den hori. Gobernu honek gauza bat esaten zuen, eta oposizioko beste talde askok, beste gauza bat. Ahots asko dira, eta gurea bakarra da».

Gipuzkoa eta Bildu

Gipuzkoari eta Bilduri ere etengabe egin dio aipamena. «Datu makroekonomiko horiek ez dira enpleguan islatzen eta herritarrengana iristen, baina espero dut datozen hauteskundeetan datu makroekonomiko horiek enplegura iritsiko direla, eta ez dadila Gipuzkoakoa errepikatu, Nafarroan baino bi bider enplegu gehiago suntsitu baita han». Datu hori etengabe erabili du nahiz eta gezurra izan: 2011ko uztailetik 2015eko otsailera, Gizarte Segurantzako datuen arabera, Nafarroan 15.830 enplegu suntsitu ziren eta Gipuzkoan 14.519.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Protesta Melillan, 37 pertsonen hilketaren ostean. ©F.G.Guerrero

Melillako hilketak salatu dituzte EAJk, EH Bilduk eta Elkarrekin Podemos-IUk

Iñaut Matauko Rada

Eusko Legebiltzarreko hiru alderdi horiek adierazpen bateratua egin dute, Melillako hilketak gaitzetsi eta Pedro Sanchezen hitzak arbuiatzeko.

Juana Balmaseda batzordeburua, atzo, Eusko Legebiltzarrean, txostena aurkezten. ©Jaizki Fontaneda / Foku

Egiari Zor fundazioak «txalotu» egin du Poliziaren 46 biktima aitortu izana

Berria

Poliziaren Biktimen Balorazio Batzordearen «profesionaltasuna» goratu du, eta prozesuan «konfiantza» sortzeaz mintzatu da.

 ©Aritz Loiola / Foku

«Herri gogoa berpizteko ekimen bat izango da»

Iosu Alberdi

Gure Esku-k eta Kataluniako zenbait eragilek Pirinioetako 400 tontor argiztatuko dituzte larunbatean. Europari mezu bat bidali nahi diote: «Erabaki nahi dugun bi herri gara». 

Ertzain bat herenegun, Legutioko Zentro Sozialista hustu zutenean. ©David Aguilar / EFE

Karguekin aske utzi dituzte Legutioko Zentro Sozialista hustean atxilotutako bi gazteak

Berria

Ertzaintzak desordena publikoak eta erresistentzia larria egotzi dizkie atxilotuei.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...