Juan Karlos Izagirre izango da EH Bilduren hautagaia Gipuzkoako aldundirako

Donostiako alkate ohia izan da hautagai bakarra; aho batez onartu du Mahai Politikoak. Kideen «konfiantza eta bultzada» eskertu ditu
Izagirre politikara itzuliko da, aldundirako hautagai gisa.
Izagirre politikara itzuliko da, aldundirako hautagai gisa. JON URBE / FOKU Tamaina handiagoan ikusi

Jon Ander De la Hoz -

2018ko ekainak 1

Gipuzkoak badu lehen hautagai ofiziala 2019ko foru hauteskundeetarako. Atzo jakinarazi zuen EH Bilduk nor izango duen zerrendaburu: Juan Karlos Izagirre. Koalizioak ohar bidez jakinarazi duenez, Donostiako alkate ohiak aurkeztutakoa izan da hautagaitza bakarra, eta aho batez onetsi du Gipuzkoako Mahai Politikoak. Hala, EH Bilduren Hauteskunde Batzordeak zerrendaburu izendatu du Izagirre, eta ez da bozketarik egingo.

Kideengandik jasotako babesa eskertu du Izagirrek: «Asko izan dira pauso hau ematera gonbidatu nautenak, eta nigan erakutsitako konfiantza eta emandako bultzada eskertu nahi ditut». Halaber, Izagirrek dio bere «hurbiltasun eta prestutasun» guztia jarriko duela hautagai izateko: «Aukera berriak ditugu herrialde gisa, gipuzkoarrak erdigunera ekarri eta dagoena hobetzeko. Baita guk gauzak hobeto egiteko ere». Bide horretan, Izagirrek azaldu du beren bertsiorik onena Gipuzkoaren zerbitzura jartzeko «aukera baliatu» nahi duela.

Foru Aldundirako hautagaitzarekin politikara itzuliko da Izagirre. Aurrez, Donostiako alkate izan zen 2011-2015eko legealdian. EH Bilduren oharrak dio ordutik «gertutik» jarraitu duela politikaren aktualitatea. Familia medikua da ofizioz, eta Sahararekin lankidetza proiektuetan dihardu.

Donostian, Karrere

Izagirrerena ez zen izan EH Bilduk atzo jakinarazitako hautagaitza bakarra. Koalizioak adierazi du Reyes Karrere izango dela Donostiarako hautagaia 2019ko udal hauteskundeetan. Aldundirako zerrendarekin gertatu bezala, Donostiako Hauteskunde Batzordean ere ez da bozketarik egingo, Karrere izan baita hautagaitzarako aurkeztu den bakarra.

Karrerek «ilusio handiz» hartu du izendapena: «Donostian gauza asko hobetu behar dira, eta donostiarron bizi kalitatea hobetzeko egitasmo asko garatu beharra dago». Halaber, politika egiteko «beste era bat» aldarrikatu du. Eskubaloi jokalari eta entrenatzaile ibilbidea egindakoa da, eta Gipuzkoako Federazioko zuzendari teknikoa da egun.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna