BIRA

Monogamoa

Miren Amuriza -

2018ko otsailak 8

Unibertsitate garaiko bost lagun (ikasketak eta militantzia, logelak eta maitaleak, bezperak eta biharamunak konpartitutakoak) bazkalondo batean, beren erlazio afektibo-sexualez berbetan.

Harreman ireki bat duela kontatu du lehenengoak, sanoa eta konprometitua, hazten lagundu diona; beraien artekoari eragiten ez dion bitartean, hirugarrenekin gertatutakoez ez hitz egitea adostu ei zuen bikotearekin. Bigarrenak baietz, berak eta neska-lagunak kontatu egiten dizkiotela elkarri horiek ere eta ahaldunduago sentitzen direla hala, bata bestearekin egotea libreki harturiko erabakia dela berresten dutelako aldiro-aldiro. Hirugarrenak dio pribilegiooi uko egitea erabaki zuela, ez duela bikoterik izateko asmorik, alegia; harrezkero entzun behar izan dituen guztien ondoren, berak ez ei du inor juzgatzen. Polimaitasunarekin esperimentatzen ari dela azaldu du laugarrenak, hiruko erlazio bat daukala; ez dela bikote harremanak baino konplexuagoa, konplikazio diferenteak dituela.

Bosgarrena isil-isilik dago eta masailgorritu egin da txanda iritsi zaionean; «... ezta harreman hetero monogamo bat bazeneuka ere!», xaxatu du polimaitasuntsuak. «Shh... Hori ez da esaten!», isilarazi du bikote bakoak, besteak juzgatzen ez dituenak. Ordea, bosgarrenak mutu jarraitzen du. «Ostra! Eduki daukazu!», jabetu da bat-batean lagun ahaldundua; «... va de retro!».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Beste zazpi positibo euskal taldeen artean

Berria

Athleticen sei jokalarik eman dute positibo, eta Osasunan, berriz, Jagoba Arrasate entrenatzaileak. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna