Albistea entzun

BIRA

Irainak

Garbine Ubeda -

2016ko urtarrilak 22

San Sebastian egunak Parisa eraman zuen Pamela Anderson —Malibuko soroslearen trapu gorria erantzi, eta Brigitte Bardoten antzean, animalien eskubideen aldeko ekintzaile sutsu bilakatu zen aktore hura bera—, eta Laurence Abeille diputatu berdearen eskutik, foie gras-etarako ahate-antzarak galkatzearen aurka jo zuen gogor Asanblea Nazionalean, jana lehertu arte zintzurreratzeko ohitura hain frantsesaren kontra alegia, tratu txarrok debekatuko lituzkeen lege proposamenaren aurrerapen gisa. Latza izan zen danborrada.

Gutxik aitortu zioten arrazoia, eta are gutxiagok barkatu ausardia, hegaztien gripea sektorearen amiltzea eta galera ekonomiko larriak eragiten ari den aitzakian. Andersonek epelak hartu zituen, beraz, zaflako galantak ezkerretik nahiz eskuinetik, baita ekologisten artetik ere, baina nabarmentzen hasita, Ehiza, Arrantza, Natura eta Tradizioen aldeko elkartearen kritika genuke aipagarriena, «silikonaz puztutako oilanda, artoz gizendutako antzara baino nahiago izatea» leporatu baitio Abeille andereari. Madrilgo diputatu rasta «zikin zorritsuarena», gaitz erdi kasik.

Aldatzen ari da politikagintza. Arrunkeria totala, iraina eta misoginia merke saltzen duen Reality showaren antza du aspaldi honetan. Baten bat poztuko da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hutsaren bahea
Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...