Albistea entzun

BIRA

Nanoteknologia

Garbine Ubeda -

2016ko otsailak 28

Txikitasunak iraultza handiak ekarri ohi dituela-eta, erabateko debozioa erakutsi zaio nanoteknologiari, haren bidez sortutako materialak esponentzialki produzitu eta ia zernahiri aplikatzerainokoa. Elektronikan aurkituko ditugu partikulok, litio-ioizko bateriatan, zomorroak hiltzeko gaietan, pestizidetan, kosmetikan, baita jantzietan ere; kontsumorako 1.300 produktutan ditugu kamuflatuta, munduko 34 estatu aberatsenetan bildu diren datuen arabera.

Onurak liluratuta gauzka, beraz, baina bereziki industrian, jostailuak biltzen ez dakiten haurrak gara: aldiro den-denak atera, eta gero, estropezu egiteko tokietan utzi baditugu ere, hor konpon. Nanoteknologiari dagokionez ere, fase horretan gaude tamalez. Auskalo zenbat tona partikula arrotz barreiatu ditugun airean, lurrean, uretan, araztegietako filtroak zabalegiak direlako halako ñimiñokeriok harrapatzeko, eta zer nolako ondorioak eragingo dituen inork izpirik ere ikasi aurretik.

Dramara jo gabe, esango nuke, abian jartzen den garapen lerro bakoitzeko, lerroaren zabor lerroa jarri beharko litzatekeela aldamenean. Nanoguneren alboan, konparaziora, Nanozaborgune. Kutsadurak eragin dituen kalteak urtetara ikertu beharrean, paraleloan joan daitezen. Heldutasunaren seinale litzateke.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...