Noiz sortua: 2018-03-11 00:30:00

BIRA

Igande goizak

Miren Amuriza -

2018ko martxoak 11
Lehen, norbait ezagutzen nuenean, lanbideaz, adinaz, zaletasunez galdetzen nion. Gerora, datu horiek denak esaldi bakarrean laburtzeko modua otu zitzaidan; nobelaren lehen kapitulu aspergarriak irakurri ordez, kontrazalera jotzeko modua. Eta igande goizetan zer egiten duen galdetzen hasi nintzaion jendeari: lo, aste barrurako jatekoak, garbiketak, mendira joan, mezatara, egunkariak irakurri, arrainei ura aldatu...

Gaurkoa lako igande goiz batean alde egin zuen Mary Poppinsek bankstarren etxetik: aita lanpostuz igo zuten bankuan, amak bertan behera laga zuen militantzia sufragista eta seme-alabek kolpetik ahaztu zuten beren zaintzaile izanikoa. The End.

Familia tradizionalak bere onera itzularaziko zituen laguntzaile lez aurkeztu ei zuten 1964an Poppins andereñoa, eta Pamela Lyndon Traversek (jatorrizko liburuaren idazleak) negarrez alde egin ei zuen estreinalditik Disneyk istorioa zelan manipulatu zuen ikusita. Mende erdi geroago, rol bertsua jokatuko du Poppinsek Gabonetarako prestatzen ari diren bertsio gaurkotuan; halaxe zabaldu zuten Oscar sarien galan emaniko trailerrean.

Horrexegatik galdetzen diot jendeari igande goizetakoez, gehienok geure egoera naturalera orduantxe itzultzen garelako. Eta, halere, erdiei sinetsi ez; esandakoetatik egindakoetara, Disneyren bertsiotik Traversenera besteko aldea egoten da-eta askotan.

Albiste gehiago

Martxoaren 31n eguneratua, 14:00etan. ©BERRIA

Koronabirusaren azken datuak

Berria

Euskal Herrian 8.647 gaixok eman dute positibo koronabirusaren proba eginda, administrazioen arabera. 441 hil dira. COVID-19 gaitza izandako 1.775 pertsonari eman diete alta. Grafikoak, albiste barruan.

Lantegiak itxita, Oñatin. ©Jagoba Manterola / Foku

Lehen positiboa atzeman dute Greziako kanpaleku batean

Berria

Greziako Migrazio Ministerioak adierazi du positibo bat atzeman dutela Ritsonako errefuxiatuentzako kanpalekuan. Herrialde hartako errefuxiatuentzako kanpaleku batean baieztatu duten lehen kasua da. Grezian, denera, 1.300 kasu inguru atzeman dituzte.

Mungiako taberna bat, ateak itxita. ©Aritz Loiola / Foku

Kuota atzeratu ahal izango dute autonomoek eta enpresa txikiek

Irune Lasa

Espainiako Gobernuak sari berezi bat sortu du etxeko langileentzat eta behin-behineko lana galdu dutenentzat. Alokairua ordaintzerik ez dutenak ezingo dituzte etxegabetu.

Langile bat lanean, Basauriko Sidenorren, artxiboko irudi batean ©Luis Jauregialtzo (Foku)

Enpresa batzuei irekitzeko aukera eman die Espainiako Gobenuak

Jokin Sagarzazu

Espainiako Gobernuak salbuespen batzuk sartu ditu funtsezkotzat jotzen ez diren jardueren funtzionamenduan, bereziki euren produkzioa esportaziora bideratzen duten enpresentzat —haien jarduera edozein dela ere—, eta itxieraren ondorioz merkatua galtzeko arriskuan dauden kasuetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna