Albistea entzun

Joe Lynch zinemagilearen 'Mayhem' filma saritu du Fant jaialdiko epaimahaiak

Rubin Stein zuzendariaren 'Bailaora' eta Aitzol Saratxagaren 'Ziren' film laburrak ere saritu dituzte. Gaur lan sarituak proiektatuko dituzte

Iñigo Astiz -

2018ko maiatzak 12

«Duen zuzentasun ezagatik, zonbien generoa modu originalean berraztertzen asmatzeagatik eta kapitalismoaren kritika basatia daraman espazio itxiko eszenifikazioagatik». Arrazoi horiengatik erabaki du Bilboko zinema fantastikoko Fant jaialdiak aurtengo sari nagusia Joe Lynch zinemagile estatubatuarraren Mayhem filmari ematea. Epaimahaiaren ustez, hori izan da XIV. jaialdiko sail ofizialean lehiatu diren hemezortzi film luzeen artean onena, eta 3.500 euroren saria jasoko du. Beste sari sorta bat ere eman du epaimahaiak, eta gaur lan saritu guztien proiekzioa antolatu dute BBK aretoan. Bi saiotan bereizi dituzte filmak: 18:00etan eta 20:00etan.

Film laburren artean, Rubin Stein zinemagilearen Bailaora lana nabarmendu du epaimahaiak, eta Aitzol Saratxagaren Ziren lanari eman diote Euskal Film Laburrik Onenaren Saria. «Genero proposamena izan arren, erritmo geldoa ematen asmatzeagatik, eta arimaren existentziari buruzko gogoeta egiten ausartzeagatik». 3.000 eta 2.000 euro jasoko dituzte, hurrenez hurren.

Publikoaren iritzia

Ez da epaimahaiarekin bat etorri publikoa. Ikusleen iritziz, Alberto Pintoren eta Caye Casasen Rip filma izan da jaialdiko laburrik onena, eta Issa Lopez mexikarraren Tigers Are Not Afraid, berriz, film luzerik onena.

Sail ofizialetik kanpo ere izan dira sari gehiago. Panorama izeneko atalean, adibidez, Andres Goteiraren Dhogs filmak irabazi du film luzerik onenarena saria (2.250 euro), eta Lorene Yavoren À Chacun Sa Malédiction izendatu dute laburrik onena (1.500). Epaimahaiak, bestalde, aipamen berezia egin dio Pablo S. Pastorren Bye Bye Baby film laburrari.

Aurten lehen aldiz, euskal film laburretan izandako antzezpenik onenaren saria ere antolatu du Euskal Aktoreen Batasunak, eta Fernando Albizu aktoreari ematea erabaki dute, Aprieta pero raramente ahoga filmean egindako lanagatik. Tigers Are Not Afraid filmak jaso du Euskal Gidoilarien Elkarteak ematen duen gidoirik onenaren saria, eta Rainer Sarnet saritu du Fas zineklubak zuzendaritza lan onenaren sariarekin, kasu honetan, November filmean egindako lanagaik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

El Mono Habitado konpainiaren 'Lurtarrok' antzezlaneko pasarte bat. ©La Caja Gris

Gezurrik gabeko lan eszenikoak, 29. dFeria jaialdian

Andoni Imaz

Martxoaren 13tik 16ra, 28 konpainia arituko dira Donostian, eta 44 emanaldi egingo dituzte guztira. Dantza eta antzerki ikuskizunak dira gehienak, eta, aurten, zirkua ere izango da. Jaialdia «erreferente» bilakatu nahi dute Europan.

<em>Komedia madarikatua</em> antzezlana. ©HODEI TORRES

Gai sakonak, umorez landuak

Olatz Enzunza Mallona

Bilboko Pabiloi 6 Antzerki Laborategiko Gazte Konpainiak 'Komedia madarikatua' estreinatuko du gaur, areto horretan bertan. Antzezlanak drama eta komedia uztartuko ditu , eta gizarte gatazkak izango ditu hizpide, «modu komikoan, betiere»

Kristonak taldeko bost kideak, <em>Ahobetehortz</em> diskoa iragartzeko argazki batean. ©KRISTONAK TALDEA

Etsipenetik piztu dira

Olatz Enzunza Mallona

Kristonak taldeak aro berri bat abiatu du, 'Ahobetehortz' lanarekin. Eskean Kristo atzean utzi arren, taldearen betiko nortasunari eutsi diote. Bihar hasiko dute bira, Ondarroan
Rotterdamen eta gurean ez da faszinagarriagorik

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...