Billalabeitiak engainatu duela dio Fernandezek: «Ez dut ahaztuko»

Mario Fernandez Kutxabankeko presidente ohiaren ustez, bere aurkako «sorgin ehiza» abiatu du egungo presidenteak.

Auzia amaitzen denean, «neurriak» hartuko dituela ohartarazi du
Mario Fernandez epaitegitik atera berritan, ezkerrean. Eskuman, Mikel Cabieces, epaitegira doala.
Mario Fernandez epaitegitik atera berritan, ezkerrean. Eskuman, Mikel Cabieces, epaitegira doala. LUIS JAUREGIALTZO / ARP

Aitziber Laskibar Lizarribar -

2015eko apirilak 17

Haserre, minduta eta mendeku gosez mintzatu da Mario Fernandez Kutxabankeko presidente ohia Bilboko Instrukzio Epaitegian inputatu gisa deklaratu ostean. Publikoki egin ohi ez den moduan aritu da hedabideen aurrean. Epaitegitik atera bezain laster, ohikoa duen zigarroa, erre, eta itxura lasaiarekin adierazpen gogorrak egin ditu. Auzia bere aurkako «sorgin ehiza» dela adierazi du. Berak ez duela inolako irregulartasunik egin, eta bere aurka abiatutako auziagatik «oso haserre» egoteaz gain, «engainatuta» ere sentitzen dela. «Ez dut ahaztuko. Nik ez». Mehatxu zantzua duten hitzak ere bota ditu, Kutxabankeko egungo presidentearengana zuzenduta: «Nik ez dut zauriturik uzten». Bere aurkako auzia amaitzen denean, «neurriak» hartuko dituela ziurtatu du.

Fernandez Kutxabankeko presidente zela, ustez kutxak Mikel Cabiecesi modu irregularrean 243.592 euro eman zizkiolakoan abiatutako auzian deklaratu zuen atzo Kutxabankeko presidente ohiak Bilboko 4. Instrukzio Epaitegian. Ordubete baino gehiago aritu zen epaileari azalpenak ematen. Berak Cabiecesi ez ziola «euro bakar bat ere» eman azaldu zion; Cabiecesek Rafael Alkorta abokatuaren bulegoarekin kolaborazioak egin zituela, eta Alkortak Kutxabankekin zuela harremana.

Fernandezek berak hedabideei azaldu dienez, 2012. urtean Cabiecesentzat lanpostu bat aurkitzeko eskatu zuen Fernandezek. Espainiako Gobernuak EAEn duen ordezkari kargua izan zuen Cabiecesek, eta, PSE-EEko kide denari lan hori amaitu zitzaionean, «irtenbide» bat bilatzen lagundu nahi izan zion Fernandezek. Aurrez esana duenez, «ohikoa» zen «ETAren aurkako borrokan» aritutakoei «irtenbide profesionala» bilatzea.

Kutxabankeko presidente karguan bere atzetik etorri zen Gregorio Billalabeitiak saldu egin duela uste du Fernandezek. Billalabeitia presidente zela, biek izandako bilera batean, irregulartasunak ikusi zituztela esan zion presidente berriak lehengoari. Fernandezek bere poltsikotik ordaindu zion Kutxabanki Cabiecesek jaso zuen diru kopurua. Bere esanetan, inork pentsatu ez zezan kutxa kaltetu zuela.

Ordurako, ikerketak abiatuta zituen Kutxabankek. Ikuskatze txosten bat eskatua zuen, esate baterako. Gerora, Kutxabankek berak egindako salaketagatik abiatu zen Fernandez eta Cabiecesen aurkako auzia. Hargatik sentitzen da engainatuta Fernandez. «Engainatu ninduena nirekin hitz egin zuena da, dena ezkutatu zidana, Kutxabankeko egungo presidentea».

Cabieces auzian inputatuta dauden beste biek ere deklaratu zuten atzo Bilboko Epaitegian: Cabiecesek berak eta Alkorta abokatuak. Epaitegiaren sarreran kazetari eta kamera asko izan arren, inork ez zuen Alkorta epaitegian ez sartzen, ez ateratzen ikusi. Fernandez bera atzeko atetik sartu zen epaitegira, nahiz eta deklarazioa amaitzean sarrera nagusitik atera zen, hedabideen aurrean azalpenak emateko.

Protesta artean

Cabieces izan zen sarrera nagusitik sartu zen inputatu bakarra, eta ez zuen gustuko sarrera izan. Bertan pilatuta zeuden kazetarien galderen artetik «eskerrik asko, eskerrik asko, eskerrik asko» esanaz igaro zen. Aurrean, etxe kaleratzeen aurkako plataformako kideak zituen zain, pankarta eta txartelak eskuetan: «Mario kartzelara! Justizia etxetik kaleratutakoentzat!», oihukatu zioten behin eta berriz bertatik bertara. Akusatuari bidea oztopatu ere egin zioten. «Lapurrak!». Beranduago, akusatuek deklaratu beharreko areto ondora ere sartu ziren etxe kaleratzeen aurkako protestariak. Ertzainek kaleratu zituzten handik.

09:30etik egon ziren protestariak epaitegi aurrean, eta ez etxe kaleratzeen aurkakoak bakarrik. Euskal Herrian finantza sistema publikoa, Kutxak-Kutxabank pribatizaziorik ez plataformak deituta, dozenaka lagun bildu ziren elkarretaratzean. ELAko eta LABeko ordezkari banak auzia argitzeko eskatu zuten plataformaren izenean, eta kutxak pribatizatzeko nahiarekin lotu zituzten Cabieces auziaren gisakoak. Akzioak publiko bihurtu eta pribatizazioa saihesteko eskatu zuten hargatik.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna