Noiz sortua: 2016-03-23 00:30:00

Arartekoak jasotzen dituen kexen %70 bazterkeriarekin lotutakoak dira

Diru sarrerak bermatzeko errentaren kudeaketa aldatzea proposatu du Lezertuak
Lanbideren funtzionamenduak sortu du kexa gehien.
Lanbideren funtzionamenduak sortu du kexa gehien. JON URBE / ARGAZKI PRESS

Eskeine Legorburu -

2016ko martxoak 23

Diru sarrerak bermatzeko errenta kudeatzeko moduan aldaketak egitea gomendatu du Manu Lezertua EAEko arartekoak. 2015ean bideratutako txostenak aintzat hartuta egin du proposamena, iaz jasotako kexen artetik %70 bazterketa sozialarekin lotutakoak izan baitziren. Lanbideren ustez, laguntza hori «modu desegokian» jaso zutenen kexak ugaritu dira gehien.

Atzo aurkeztu zuen Lezertuak Arartekoaren 2015eko txostena Gasteizko Eusko Legebiltzarrean, eta, azaldu zuenez, krisi ekonomikoarekin eta sozialarekin lotuta, 755 eskaera jaso zituen iaz, 2014an baino 151 gehiago. Erreklamazio horietatik %81 Lanbideren funtzionamenduarekin eta diru sarrerak bermatzeko errentaren kudeaketarekin lotuta zeuden. Azken urteetako igoera «kontuan hartzekoa» da, Lezertuaren iritziz, eta aurreratu zuen Eusko Jaurlaritza aztertzen ari dela diru sarrerak bermatzeko errentaren kudeaketa moldatzea.

Legebiltzarrean emandako datuen arabera, %4 egin du gora Arartekoaren jarduerak 2014tik 2015era. Guztira, 8.938 txosten ireki zituen iaz, eta horietatik 6.394 kexak izan ziren. Ofiziozko 61 dosier landu zituen, eta idatzizko 1.897 kexa jaso zituen. Telefonoz, berriz, 2.413 kontsulta egin zituzten herritarrek 2015ean Araban, Bizkaian eta Gipuzkoan. Guztira, 1.549 ebazpen eman zituen iaz Arartekoak, eta kexa guztien artetik %43 jarduera okerren batekin lotu zituen.

Kexa espedienteen %56 baino gehiago eskubide sozialekin lotutakoak izan dira —hezkuntza, osasuna, gizarteratzea, etxebizitza...—, eta beste %42, politika publikoekin.

Arartekoaren Haur eta Nerabeen Bulegoak 519 txosten bideratu zituen 2015ean. Horietatik 260 gizarteratze alorrarekin lotutakoak izan ziren; diru sarrerak bermatzeko sistemarekin, zehazki.

Datuak aztertuta, Arartekoaren esku hartzea «oso eraginkorra» izan da, Lezertuaren ustez, administraziotik bideratutako kasuen %86 modu egokian zuzendu baitziren, batez beste 63 eguneko epean.

Zerbitzuarekin gustura

Administrazioarekin arazorik izanez gero, herritarren %78k Arartekora jotzeko gomendioa egiten duela jakinarazi zuen Lezertuak. Kexaren bat jarri zutenen %75ek, berriz, «ontzat edo oso ontzat» jo zuen jasotako arreta. Arartekoak ere administrazioaren balorazio ona egin zuen, eta zehaztu zuen «arduratsuak» direla informazio eskaerei erantzuterakoan. Bilboko Udalaren konpromisoa azpimarratu zuen, eta txostena ixterakoan Arartekoaren ohartarazpenei erantzun gabe jarraitzen zuten erakundeak aipatu zituen: Hondarribiko, Urnietako eta Mutrikuko udalak Gipuzkoan, eta Guardiakoa Araban.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna