Altsasuko gazteek Estrasburgora jo dute

Defentsak hainbat helegite ezarri ditu eskubide urraketengatik. Auzitan jarriko dituzte Auzitegi Nazionaleko epaileen inpartzialtasuna, prozesu justu baterako eskubidea eta proportzionaltasuna
Joan den azaroan Altsasun egindako ekitaldia.
Joan den azaroan Altsasun egindako ekitaldia. IDOIA ZABALETA / FOKU Tamaina handiagoan ikusi

Maddi Ane Txoperena Iribarren -

2021eko urtarrilak 14

Altsasuko gazteek hasieratik beretik salatu izan dute euren aurkako auzia ez zela justua izan, baina Espainiako auzitegiek ez dituzte aintzat hartu salaketok, eta, beraz, Giza Eskubideen Europako Auzitegira jo du defentsak. Azkeneko helegitea Espainiako Auzitegi Konstituzionalean jarri zuten, baina tribunalak ez zuen tramiterako ere onartu, eta Estrasburgoko auzitegiarengan daukate esperantza jarrita orain: azaroan hala eginen zutela jakinarazi ondotik, gazteen abokatuek hainbat helegite jarri dituzte, prozesuan auzipetuen giza eskubideak urratu zituztela argudiatuta. Bertzeak bertze salatu dute gazteek ez zutela prozesu justu baterako eskubiderik izan, ezta epaile inpartzialek epaitzeko aukerarik eduki ere. Proportzionaltasun faltagatik ere jarri dituzte helegiteetako batzuk.

Gazteetako batzuen defentsa lana egiten ari den Amaia Izko abokatuak BERRIAri erran dionez, Estrasburgok ez du epe zehatzik haien demandak tramiterako onartzen dituen ala ez erabakitzeko. Dena den, abokatuak espero du tramiterako behintzat onartuko dituztela: «Guk egin ditugu demandak konbentzituta gaudelako urraketa horiek eman eman direla, eta konbentzituta gaudelako nahi izanez gero Estrasburgok zuzentzen ahal dituela, beste kasu batzuetan egin duen moduan».

Eskubide urraketetako baten oinarrian dago Altsasuko auzia Espainiako Auzitegi Nazionaleko Concepcion Espejel epaileak eraman izana. Koronel batekin ezkonduta dago Espejel, eta Merezimenduzko Saria eman zion Guardia Zibilak. Akusaturiko zortzi gazteen defentsak helegite bat jarri zuen 2018an Auzitegi Nazionalean, argudiatuta epaileak Guardia Zibilarekin «ageriko lotura afektibo eta psikologikoak» dituela, eta, beraz, haren inpartzialtasuna zalantzan jarrita; baina kasu hartan auzitegiak ez zuen helegitea onartu, Espejelek berak ebatzita eskakizuna epez kanpo egina zela. Espainiako Auzitegi Nazionaleko apelazio salako Eloy Velasco eta Jose Ramon Navarro epaileen aurka ere joko du abokatuetako batek.

Prozesu justu bat izateko eskubidea urratu izanagatik ere jarri dute helegitea, bertzeak bertze, hainbat froga ez zizkietelako onartu. Neurriz kanpoko zigorrak jarri izana ere salatu dute Europan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Carlos Bardem aktore, gidoilari eta idazle espainiarra da sinatzaileetako bat. / ©PABLO MARTIN, EFE

Kultur eta hezkuntza munduko 30 pertsonalitatek presoen urruntzea amaitzeko eskatu dute

Edu Lartzanguren

Euskal Herriko, Herrialde Katalanetako eta Espainiako izenak daude sinatzaileen artean. «Iraganeko salbuespenezko logikak» gainditzeko eskatu dute.

Manu Aierdi, iragan otsaileko prentsaurreko batean ©Iñigo Uriz / Foku

Gorenak diligentziak ireki ditu Manu Aierdi ikertzeko

Berria

Andres Palomo del Arco Goreneko magistratuak kaleratutako autoan ezartzen da haren edukia «ikertuari» bidaltzeko eta, Prozedura Kriminalaren legeko 118. artikuluaren arabera, bere eskubideen berri eman diezaiotela. Javier Esparzak berehalako dimisioa eskatu du.

'Proiektatu Iñioren aurpegia' ekimena, iaz, haren heriotzaren zortzigarren urteurrenean. ©Aritz Loiola / Foku

Cabacasen familiak NBEra joko du «justizia bila»

Maite Asensio Lozano

Espainiako Auzitegi Gorenak ez du «auziaren funtsa aztertu nahi» izan, Jone Goirizelaia abokatuak egindako balorazioaren arabera. 

Nafarroako Parlamentuko legebiltzarkide batzuk, gaur. ©Nafarroako Parlamentua

Presoak hurreratzearen alde egin du Nafarroako Parlamentuak

Berria

Geroa Baik, EH Bilduk, Ahal Dugu-k eta Ezkerrak aurkeztu dute mozioa, eta eskaera horrekin bat egin du PSNk; Navarra Sumak, berriz, kontra egin du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna