Albistea entzun

Publikotasuna defendatu du Eva Ferreirak EHUren ikasturte hasieran

Iñigo Urkullu lehendakariak eman dio hasiera ikasturteari. Sindikatuek EHUko langileen prekarizazioa eta Euneizen finantzaketa salatu dituzte
Iñigo Urkullu eta Eva Ferreira, EHUren ikasturte hasieran.
Iñigo Urkullu eta Eva Ferreira, EHUren ikasturte hasieran. GORKA RUBIO / FOKU Tamaina handiagoan ikusi

Oihane P. Ramirez -

2021eko irailak 16 - Donostia

Esparru arauemaile «egokiago eta eraginkorrago» bat lortzeko «premia» dute unibertsitate publikoek. Hori nabarmendu zuen atzo Eva Ferreira Euskal Herriko Unibertsitateko errektoreak, EHUren ikasturte hasierako ekitaldian. Publikotasunaren aldeko defentsa egin zuen. «Edo kapaz gara legeek unibertsitate publikoen lana uler dezaten, edo gure arrakastan ito gaitezke», adierazi zuen.

Iñigo Urkullu Eusko Jaurlaritzako lehendakariak bideratu zuen ekitaldia, Donostiako Carlos Santamaria zentroan. Aitor Zurimendi EHUko idazkari nagusiak 2020-2021eko ikasturtearen laburpena egin zuen, Maria Blanco Kimika Fakultateko irakasleak Albert Fert hizlaria aurkeztu zuen, eta Albert Fert 2007ko Fisikako Nobel saridun eta EHUko Kimika Fakultateko ikerlariak egin zuen ikasturte hasierako hitzaldia.

Atzera begiratuz, 2020-2021eko ikasturtea «positiboki» baloratu zuen Ferreirak, eta hurrengo ikasturteari begira «bikaintasunaren bidea» jorratzen jarraitu behar zutela adierazi zuen Urkulluk. Izan ere, EHUk Shanghaiko rankingeko 400 unibertsitaterik onenen artean jarraitzen duela nabarmendu zuen. «Kalitate maila» hori mantentzeko eta «bikaintasunezko ikerkuntza» bultzatzeko, «inoizko ekarpen handiena»egingo dutela jakinarazi zuen. Ferreirak ere azaldu zituen datorren ikasturterako zenbait plan: esaterako, Medikuntza eta Erizaintza Fakultate berriaren eraikuntza lanak «seguruenik» 2021-2022ko ikasturtean hasiko direla adierazi zuen.

Aurrez aurreko jardunari dagokionez, ikasturte hasieran %75eko batez besteko presentzialtasunari eutsiko diotela jakinarazi zuen errektoreak, eta osasun egoerak modua ematen duenean %100era zabaltzeko asmoa dutela esan zuen. Garai hauetan «zuhurtziaz» jardun behar dela esan zuen Urkulluk, eta pandemia «erantzukizunez eta profesionaltasunez» jokatuta gaindituko dela azaldu zuen.

Kanpoan, aldarrikapenak

Ikasturte hasierako ekitaldia hasi baino lehen, elkarretaratze bat antolatu zuten EHUko gehiengo sindikalak eta zenbait ikasle elkartek. LAB sindikatuak ere egin zuen deialdi bat aparte. Urkulluri «haserrea» transmititu zioten. Guztiek eskatu zuten «irabazi asmoko» Euneiz «unibertsitate proiektu elitista» gelditzeko, eta hori finantzatzeko funts publikorik ez jartzeko. LABek, gainera, Euskal Herriko Unibertsitateko langileen prekarizazioa eta diskriminazioa salatu zituen. Horrez gain, unibertsitate publikorako «finantzaketa nahikoa» exijitu zion Eusko Jaurlaritzari.

Gabi Elkoroaristizabal EHUko LAB sindikatuko kideak EAJren eta PSE-EEren «lotsagabekeria» salatu zuen. Azaldu zuenez, EHUko zuzendaritza prest dago 2020ko aurrekontuan izandako 3 milioiko defizita «orekatzeko», horretarako «gastuak txikituta» eta «oraindik zehaztu gabeko» murrizketak eginda. Bitartean, Euneiz unibertsitate «elitistak» 12 milioi eta erdiko «diru laguntza zuzena» izango du. LAB sindikatuak «tinko» eutsiko die aldarriei, «orain arte» egin duen eran.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ziburun hildako hiru migranteen heriotzak salatzeko protesta ©Guillaume Fauveau

Ziburun trenak harrapatuta zauriturik atera zen etorkinak eta hiru elkartek salaketa jarri dute

Oihana Teyseyre Koskarat

Nahi gabeko hilketagatik, bizia arriskuan jartzeagatik, nahi gabeko zauriengatik, eta pozoitzeagatik jarri dute salaketa Cimade, Anafe, eta Gisti elkarteek, istriputik zauriturik atera zen etorkinarekin batera.

Moderna txertoaren bi bial. ©Guillaume Fauveau

Moderna txertoa baizik ez dute jarriko Iparraldeko txertaketa guneetan

Oihana Teyseyre Koskarat

Eskualdeko Osasun Agentziak erran du «dosien kontserbazioagatik» hartu duela erabakia. Pfizer txertoaren dosi bat jarri behar dutenek eta 30 urtetik beherako herritarrek osasun langile independenteengana jo beharko dute hemendik aitzina.

Marifran Aranjuelo. / ©Maialen Andres, Foku

«Gezur asko esan dizkigute metroari buruz»

Unai Zubeldia - Gipuzkoako Hitza

Donostiako metroaren aurkako borrokak eta migratzaileen eta presoen aldekoak bizi dute, gaur egun, Aranjuelo. Ez zaio batere gustatu Donostiak azken urteotan izan duen eraldaketa.

Jatetxe bateko zerbitzaria, atzo, Donostian, bi bezeroren COVID ziurtagiriak egiaztatzen. ©JON URBE / FOKU

Ostalariek ez dute polizia (ere) izan nahi

Maddi Ane Txoperena Iribarren Ane Eslava

Atzotik, Euskal Herri osoan da indarrean COVID ziurtagiria. Araba, Bizkai eta Gipuzkoako 50 lagunetik goitiko jatetxeetako langile eta bezeroek egun batetik bertzera egokitu behar izan dute neurrira

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.