Albistea entzun

Beste zulo bat agertu da Donostiako metroaren obretan, hondartza alboan

Kontxako kabinetan agertu da zuloa, forjatuaren azpian. Euskal Trenbide Sarearen arabera, ez du eraginik izan haren egituran
Langileak, atzo, zuloa agertu zen inguruan.
Langileak, atzo, zuloa agertu zen inguruan. BERRIA Tamaina handiagoan ikusi

Irati Urdalleta Lete -

2021eko maiatzak 8

ETS Euskal Trenbide Sareak atzo jakinarazi zuenez, Donostiako metroaren obretan beste zulo bat aurkitu zuten, Kontxako hondartzaren kabinen forjatuaren azpian, Zaragoza plazaren parean. Ohar bidez azaldu zutenez, estoldetan ohiko ikuskapen bat egiten ari zirela ikusi zuten langileek, 12:00ak aldera. Haien hitzetan, obrako eta Donostiako Udaleko teknikariek ziurtatu dute zuloak ez duela eraginik izan kabinak oinarrian duen forjatuaren egituran. Atzo bertan hormigoiz bete zuten.

Lehen azterketa egin ondoren, «itxura guztien arabera», duela urtebete inguru sortu zen beste zuloarekin lotuta dago, ETSk adierazi duenez: «Mugimendu horrek inguruko hareen deskonpresioa eragin zuen, eta baliteke deskonpresio hark egoera hau sortu izana. Gertakari haren ondoriozko hondar mugimenduak dira». Eta joan den ekainekoa ez zen izan Donostiako metroaren lanetan agertutako zulo bakarra: azaroan, bi metroko diametroko beste zulo bat azaldu zen Zubieta kalean.

Berriro martxan

Hainbat hilabetean bertan behera egon ziren Donostiako metroko Mirakontxa eta Easo arteko obrak, eta abenduaren amaieran berrekin zioten prozesuari, ETSk Mirakontxa-Easo lanen 2. fasea eraikitzeko lanak lizitatu ostean. Proiektuak 50,9 milioi euroko oinarrizko kostua izango du. Orduan ETSk azaldu zuenez, «lanekin aurrera egin ahal izateko teknikak oso motelak eta garestiagoak» direlako egin behar izan zuten adjudikazio berria. Batetik, zundaketetan harri iragazkorra topatu dute hilabeteotan, eta, bestetik, Zubieta kaleko zuloei egin zien erreferentzia ETSk. Urrian iragarri zuten kontratazioa bertan behera utziko zutela, kontuan hartuta bi gertakari horiek konpontzeko lanek legez onartutakoak baino gainkostu handiagoak eragiten zituztela. Iñaki Arriola Eusko Jaurlaritzako Lurralde Plangintza, Etxebizitza eta Garraio sailburuak aitortu zuen obrak %50 eta %70 artean garestituko zirela, eta metroa aurreikusi baino bi urte beranduago jarriko zela martxan. ETSren oraingo kalkuluen arabera ere 2024ko hasieran hasiko da funtzionatzen.

EH Bilduko Donostiako udal taldeak ohar bidez azaldu duenez, bizilagunen abisuen bidez izan dute gertatutakoaren berri, eta «bereziki larria» iruditzen zaie EAJren eta PSE-EEren udal gobernuak egoeraren berri ez eman izana. «EH Bildutik salatu egin behar dugu, beste behin ere, metroko lanekin lotutako guztiaren inguruan dagoen iluntasuna».

Gainera, haien hitzetan, zuloak argi erakusten du «zailtasunak» daudela eremu horretan: «Lehen zuloa agertu ondoren martxan jarri ziren euste lanek ere ez dute emaitzarik eman, gaur ikusi dugunez». Horrenbestez, EH Bilduk Donostiako metroa gelditzeko eskaria berretsi du: «EH Bildutik berriro eskatzen dugu zentzugabekeria hau gelditzeko, atzerapenak eta gainkostu handiak pilatzeaz gain arrisku larrian jartzen ari baita Donostiako herritarren eta langileen segurtasuna».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bi pertsona Osakidetzaren osasun zentro batetik ateratzen, Donostian. ©GORKA RUBIO / FOKU

Lehen mailako artako kontsultak atzeratuko ditu Osakidetzak

Arantxa Iraola Irati urdalleta Lete

«Aparteko larritasunik ez duten» kontsultak atzeratuko ditu osasun sistemak; bihotzeko eritasunak eta bronkitis kronikoa dutenen kontrolak. Osakidetzak abisatuko die kontsulta atzeratu dietenei
Baionako txertaketa gunea, artxiboko irudi batean. ©GUILLAUME FAUVEAU

Txertaketa guneetan kezka piztu da, Pfizer dosiak agortzen ari baitira

Oihana Teyseyre Koskarat

Eskualdeko Osasun Agentziak hobetsi du Moderna txertoak banatzea. Baionako guneko langileek lana uzteko eskubidea aldarrikatu dute

 ©GORKA ESTRADA / EFE

Etorri zen tokian gotortuta

Arantxa Iraola

2010ean hartu zuen Donostiako gotzaintza; jarrera atzerakoienekin lotuta zegoela eta, elizbarrutian, eta handik kanpo ere, asko izan ziren haren izendatzearen aurkako ahotsak. Irmo jarraitu du, beti. Alacantera doa orain.
ELAk deitutako elkarretaratzea, atzo, Jaurlaritzaren Bilboko egoitzan. ©ELA

Greba eskubidea errespetatzeko eskatu du ELAk

Oihane Puertas Ramirez

Sindikatuak Eusko Jaurlaritzari egin dio eskaera, Bizkaiko zahar etxeetako langileek hilaren 14an egingo duten lanuztearen harira

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.