Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Langile bat hil da Portugaleten, hogei metrotik erorita

Iruñeko epaitegiak obra bateko lau arduradun zigortu ditu, 2019ko urrian Erripagañan izandako lan istripu baten erantzule izateagatik

Iker Aranburu -

2021eko azaroak 24

Langile bat hil zen atzo goizean Portugaleten (Bizkaia), bost solairuko etxe bateko teilatutik erorita, hogei metro ingurutik. Beharginak 45 urte zituen, R.P.L. zuen izena, eta teilatuko hodia konpontzeko lanak egiten ari zen Bravo Lanak SL enpresarentzat. Anbulantziak bertaratu direnerako, R.P.L. hilik zegoen. Gehiengo sindikalak deia egin die herritarrei ostiralean Portugaleteko San Roke plazan biltzeko eta segurtasun neurrien eskasia salatzeko.

ELAren eta LABen zenbaketaren arabera, aurten lanean ari zela Euskal Herrian hildako 57. behargina da. Aurreko biak «ez-traumatikoak» izan dira: astelehenean hil zen Donostiako Argilun Iluminacion SL enpresan 53 urteko J.M.A.O., eta azaroaren 19an, berriz, Donostiako Barcelo Costa Vasca hoteleko 63 urteko G.G.A. harrerako langilea.

ELAk zabaldu duenez, G.G. A. ondoezik sentitu zen gaueko txandan ari zela. Bakarrik lan egin behar ez izatea eskatu zuen, baina zuzendaritzak ez zion eskaria aintzat hartu. Haren lankideak etzi bilduko dira heriotza salatzeko.

LABek elkartasuna adierazi die azken egunotan hildako langile guztien gertukoei, eta ziurtatu du «agerikoak» direla laneko heriotza ez-traumatikoen arrazoiak: «Testuinguru soziala, non modu esponentzialean areagotu diren faktore psikosozialek eragindako osasun arazoak, medikazioa hartzea, osasun mentaleko espezialistei kontsultak egitea, eta istripu kardio edo zerebrobaskularrak eragindako heriotzak».

Zigorra Iruñean

Iruñeko epaitegiak etxe baten eraikuntzako lau arduradun zigortu ditu, lan horretan langile bat hil zelako. 2019ko urrian hil zen Felipe Manuel Santos Oliveira 32 urtekoa, Erripagañako Dublin kalean eraikitzen ari ziren etxe batetik erorita. Epaileak frogatutzat jo duenez, eraikuntza lanetan ez ziren segurtasun neurri guztiak bete, eta, horregatik, sei hilabeteko espetxe zigorra jarri diete obraren koordinatzaileari, Adania eraikuntza enpresako lan osasuneko arduradunari eta Construclair enpresako bi ordezkariri. Homizidioa eragin zuen langileen osasunaren aurkako delituengatik zigortu dituzte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Altan Bernedo enpresako langile bat, mobilizazioetako afixa bat eskuetan. ©ELA

Altan Bernedon greba mugagabea abiatu dute, hitzarmena lortzeko

Jokin Sagarzazu

Botika ekoizlea Arabako Mendialdeko enpresa nagusia da: 150 langile ditu; jabe berria du udatik. Sindikatuek KPIaren araberako igoera eskatu dute; zuzendaritzak, berriz, ekoizpenak baldintzatutakoa

 ©ARITZ LOIOLA / @FOKU

Hidrogenoa bertan da

Imanol Magro Eizmendi

Hidrogenoa naturatik lortzeko eta hura energia iturri gisa orokortzeko prozesuak izan duen bilakaera aztertu du Iñaki Dorronsorok Ekonomial ari Euskaldunen II. Biltzarrean.

Mitxel Lakuntza ELAko idazkari nagusia erdian, batzorde eragileko kideekin, atzo, Euskalduna jauregian. ©MONIKA DEL VALLE / FOKU

Lakuntza: «ELA okerren daudenen esanetara jartzea da gure helburua»

Imanol Magro Eizmendi

Sindikatuko idazkari nagusi hautatu dute berriz, bozen %90,69rekin. Euskal errepublikaren beharra defendatu du, eta iragarri konfrontaziora joko duela beharrezkoa bada: «Guretzat ez da hitz zakarra»

Langile publikoen protesta bat ©Monika del Valle (Foku)

Kontu Ganberaren arabera, «gehiegizkoa eta kezkagarria» da langile publikoen behin-behinekotasuna

Berria

Bi langiletik batek 50 urte baino gehiago ditu. COVID-19aren krisiaren eraginez Nafarroako aurrekontuetako adierazle gehienek okerrera egin dutela nabarmendu du bere txostenean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.