Iheslarientzako atxilotze gune handienetako hiru ixteko asmoa dauka Libiak

NBEk intentzioa txalotu du, baina neurri gehiago eskatu dizkio Tripoliri. Open Arms-ek 120 bat etorkin erreskatatu ditu Mediterraneoan
Tripoliko atxilotze guneetako batean ateratako argazkia.
Tripoliko atxilotze guneetako batean ateratako argazkia. EFE Tamaina handiagoan ikusi

Igor Susaeta -

2019ko abuztuak 3

Libian lan egiten duten giza eskubideen aldeko erakundeen arabera, herrialdeko pare bat dozena atxilotze gunetan 5.000 bat migratzaile dauzkate harrapatuta. Zentro horietako baldintzak salatu izan ditu NBE Nazio Batuen Erakundeak, baina Libiako agintariek jarraitzen dute atxilotutako migratzaileak hara eramaten. Tripoliko gobernuak atzo jakinarazi zuenez, ordea, zentro horietako hiru, handienak, ixteko asmoa du. Hori iragarri zuen Fathi Baxagha Barne ministroak, atzo. Ez da, ordea, halakorik adierazten duen aurreneko aldia.

UNHCR Iheslarientzako Nazio Batuen Goi Mandatariak intentzio hori txalotu du. Dena dela, aurrerapauso gehiago emateko eskatu du NBEren agentziak, «atxilotuta dauden errefuxiatu guztiak modu ordenatuan askatu ditzaten». Andrej Mahecic agentziaren bozeramaileak atzo nabarmendu zuenez, inguru «urbanoetara» lekualdatu beharko lituzkete iheslariak, eta UNCHR laguntza «finantzarioa eta psikosoziala» emateko prest legoke.

Misrata hirian dago, hiriburutik ekialdera, itxi asmo dituzten zentroetako bat, eta beste biak Tripoliren aldirietan daude. Gerra zibil betean murgilduta dago Libia, eta, horren ondorioz, Tajurako atxilotze gunea bonbardatu zuten uztailaren hasieran. 50 bat iheslari hil zituzten. Tripoliko exekutiboak —NBEk babesten du— orduan adierazi zuen zentroak ixteko asmoa zuela, baina gobernuak jarraitu egin du itsasoan atzemandako iheslariak bonbardatutako zentrora itzularazten.

Baldintza «bidegabeak»

Giza eskubideen aldeko erakundeen arabera, Tripoliren asmoak eragin dezake beste guneetan pilaketa are handiagoak gertatzea. AI Amnesty Internationalek nabarmendu izan du baldintzak «izugarriak eta gizagabeak» direla, eta iheslariak giza trafikatzaileen esku geratu daitezkeela. UNHCRren Libiarako zuzendari Jean-Paul Cavalierik ere horri buruz ohartarazi du.

Bien bitartean, Open Arms gobernuz kanpoko erakundearen izen bereko ontziak gutxienez 120 bat iheslari erreskatatu ditu azkeneko bi egunotan Mediterraneoan. Horiek lehorreratzeko portu bila dabil. Kataluniako Gobernua ontzia hartzeko prest agertu da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Bruselak laguntzak emango ditu migratzaileen integraziorako

Jone Bastida Alzuru

Errefuxiatuak gizarteratzeko plan berri bat aurkeztu du Europako Batzordeak, eta lau aplikazio eremu bereizi ditu: hezkuntza, enplegua, etxebizitza eta osasuna. Bereizketak gutxitzea da haren asmoa
Frantziako Polizia errefuxiatuen kanpaleu bat husten, herenegun, Parisen. ©CHRISTOPHE PETIT TESSON / EFE

Kabulek aitortu du indarkeriak nabarmen egin duela gora otsailetik

Arantxa Elizegi Egilegor

Nazioarteak 10.000 milioi euroko laguntza iragarri du Afganistanerako, datozen lau urteetarako
Frantziako Polizia errefuxiatuen kanpaleu bat husten, atzo, Parisen. ©CHRISTOPHE PETIT TESSON / EFE

Frantziako Poliziak errefuxiatuen kanpaleku bat hustu du Parisen

Berria

Frantziako Barne ministroak eskatu du iker dadila Poliziak operazioan izandako jarrera

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna