Albistea entzun

Lau misil balistiko jaurtiz erantzun diote AEBek eta Hego Koreak Ipar Koreari

Seulek eta Washingtonek osatutako aliantzak esan du erakutsi nahi izan dutela «gaitasuna eta prestakuntza» dutela «probokazioari» aurre egiteko
SOUTH KOREAN DEFENSE MINISTRY HA / EFE Tamaina handiagoan ikusi

Igor Susaeta -

2022ko urriak 6

Ipar Koreak herenegun irismen luzeko misil balistiko bat jaurti zuen, Japonia gainetik igaro zena, eta, horri erantzuteko, Hego Koreak eta AEBek osatutako aliantza militarrak irismen ertaineko lau misil balistiko jaurti zituen atzo Japoniako itsasorantz. Hego Koreako armadak ohar batean jakinarazi zuenez, «aurreikusitako helburu birtualak» jo zituzten misilek. Ez dirudi, horrenbestez, aldeak Koreako penintsularen desnuklearizazioan aurrerapausoak emateko moduan direnik.

Yoon Suk-yeol Hego Koreako presidenteak adierazi zuen Piongiangen maniobrari erantzungo ziotela, eta ordu batzuk geroago heldu zen lehen erantzuna: gerrako hegazkin batek «bonba zehatzak» jaurti zituen, simulatutako helburu batzuk jotzeko Itsaso Horian. Ondoren jaurti zituzten irismen laburreko misilak, baina AEBek eta Hego Koreak ez dute zehaztu ez nondik jaurti zituzten, ezta zein ordutan ere. Seulen arabera, misilak jaurtiz erantzunda erakutsi dute «gaitasuna eta prestakuntza» dutela «probokazioaren jatorria neutralizatzeko».

2017az geroztik aurrenekoz, Ipar Koreak jaurtitako misil bat Japonia gainetik pasatu zen, eta, Tokioren esanetan, 4.600 kilometro ibili zituen; Piongiangen misil batek inoiz egin duen distantziarik luzeena. Zeruan hogei bat minutu igaro eta gero, Ozeano Barean erori zen. Misila antzeman eta segituan, Japoniako Gobernuak abisu eman zien herritarrei. Herrialdearen iparraldeko Hokkaido eta Aomori eskualdeetako biztanleei eskatu zien babes har zezatela. Lurpeko babeslekuetan sartzea gomendatu zien.

Sateliteetako irudiek erakusten dutenez, Piongiangek beste misil bat jaurtitzeko asmoa du, eta hilabeteak daramatza hori prestatzen. Berri agentziek analistak aipatuz argitaratu dutenez, Txinako Alderdi Komunistaren kongresuaren ondoren egingo du —hilaren 16an hasi eta egun batzuk iraungo du—, Pekin ez asaldatzeko.

Bitartean, AEBek eta Hego Koreak segitzen dute beren aliantza militarra sendotzen. Azken urteotako maniobra militar handienak egin dituzte azkeneko asteetan, eta, Ipar Koreak herenegun jaurtitako misilaren ondoren, erabaki bat hartu dute: AEBetako armadaren hegazkinontzi bat atzera Japoniako itsasora itzultzekoa da. «Hegazkinontzi bat eta erasorako bere taldea berriro [itsasora] ateratzea oso ezohikoa da Koreako penintsulan», azaldu zuen, atzo, Hego Koreako armadak. «Erakusten du aliantzak duen erabakitasuna mehatxuei irmoki erantzuteko». Washingtonek eta Seulek joan den maiatzean adostu zuten «beharrezkoa denean» Pentagonoaren «aktibo estrategikoak» hedatzea Koreako penintsulan. AEBetako 28.500 bat soldadu daude Hego Korean.

Kamala Harris AEBetako presidenteordea Hego Korean egon zen joan den astean, eta adierazi zuen «Ipar Korearen probokazioek» areago indartuko dituztela bi aliatuen «disuasio eta erantzun gaitasunak».

Japoniaren eskaera

Hego Koreak eta AEBek lau misilak jaurti aurretik, Seulek irismen laburreko beste bat jaurti zuen, eta Gangneung hiriko —Seuldik 170 kilometrora— base militar baten barruan erori zen. Yonhap Hego Koreako berri agentziak iturri militarrak aipatuz kaleratu zuenez, misil horrek ez du biktimarik eragin, eta, zeraman erregaiak su hartu zuen arren, ez zen leherketarik izan. Tokiko hedabideen arabera, Gangneungeko biztanleek pentsatu zuten Ipar Korearen eraso bat zela. Seulek misila erori eta hamabi ordura baieztatu zuen gertatutakoa, eta barkamena eskatu.

NBE Nazio Batuen Erakundearen Segurtasun Kontseilua Piongiangek jaurtitako azken misilaz hitz egiteko bildu zen atzo arratsaldean New Yorken, eta Japoniak «irmotasuna» eskatu zion bileraren aurretik.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Palestinako herritarrak Israelgo segurtasun indarrek hildako palestinar baten hiletan, Ramallahn. ©Alaa Badarneh / EFE

Israelen eta Palestinaren arteko gatazka «borborka hastear» dagoela ohartarazi du NBEk

Maddi Iztueta Olano

Erakundeak bi estatu sortzeko plana onartu zuenetik 75 urte betetzen dira gaur, baina liskarrak ez du etenik izan ia. Israelgo segurtasun indarrek hiru palestinar hil dituzte bart.

Erreskatatu dituzten hiru gizonak, 'Alithini II' petrolio ontziaren lema gainean. ©@salvamentogob

Petroliontzi baten lemaren gainean 11 egunez iraun duten hiru lagun erreskatatu dituzte Kanarietan

Paulo Ostolaza

Ontzia Lagostik abiatu zen, Nigeriatik, azaroaren 17an. Lehen arreta eman eta gero, hipotermia zantzuekin ospitaleratu dituzte hiru gizonak.

Jens Stoltenberg NATOko idazkari nagusia, atzo, Bukaresten egindako agerraldian. ©ROBERT GHEMENT / EFE

Stoltenberg: «NATOk Ukraina babesten jarraituko du, eta ez dugu atzera egingo»

Mikel O. Iribar

Mendebaldeko aliantza militarra bilera egiten ari da Bukaresten. Reutersen arabera, NATO presio egiten ari zaie armak ekoizten dituzten enpresei, hornidura «arazoak» dituztelako.

Irango emakumeen aldeko protesta bat, Istanbulen (Turkia), larunbatean. ©ERDEM SAHIN / EFE

Iranek ez dio lagunduko NBEri protestetako errepresioa ikertzen

Maddi Iztueta Olano

NBEk misio bat sortu du Mahsa Aminiren aldeko mobilizazioetako errepresioa ikertzeko. Protestetan 300 lagunetik gora hil dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.