Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Uharten andre bat hil zuen gizonari 11 urteko zigorra jarri diote

Akordioa lotu dute fiskaltzak, defentsak eta herri akusazioak, eta bertan behera gelditu da datorren astean egitekoa zen epaiketa
Natalia Balyuken hilketa salatzeko elkarretaratzea, 2018an, Uharten.
Natalia Balyuken hilketa salatzeko elkarretaratzea, 2018an, Uharten. IÑIGO URIZ / FOKU Tamaina handiagoan ikusi

Ion Orzaiz -

2021eko urriak 16

2018ko abuztuaren 25ean Uharten (Nafarroa) Natalia Balyuk kolpeka hil zuela aitortu du 44 urteko akusatuak, eta 11 urteko kartzela zigorra ezarri diote gizonezkoari: hamar urte hilketa delitu batengatik, eta beste urtebete tratu txar jarraituen delituagatik. Fiskaltzak 21 urteko kartzelaldia eskatua zuen, baina akordioa lotu zuten atzo alde guztiek. Hortaz, bertan behera gelditu da datorren astean egitekoa zen epaiketa.

Hilketaren egunean, larrialdi zerbitzuetara deitu zuen akusatuak Uharteko bere etxetik, abisatzeko emaztea dutxan erori zela eta konortea galdu zuela. Larrialdi zerbitzuak ez ezik, poliziak ere bertaratu ziren Uhartera, Zarraondoa kalera, eta ikusi zuten kolpeka egin ohi diren zauriak zituela Balyukek; haren senarrak ere, dei egin zuen gizonak, zauri batzuk zituela sumatu zuten. Erizainek eta medikuek Nafarroako Ospitale Gunera eraman zuten emakumea; handik bi egunera hil zen. 38 urte zituen. Foruzaingoak ondorioztatu zuen indarkeria matxista kasu bat zela, eta gizona preso hartzea erabaki zuten.

Foruzaingoak berak jakinarazi zuenez, gizonezkoak maiz ematen zizkion tratu txarrak emazteari. Sententzian irakur daitekeenez, akusatuak kolpeka hil zuen Balyuk, aurretik zituen zauriak berriz ireki eta barne odolustea eragin baitzioten. Akusatua 2018tik egon da behin-behinean preso. Espetxe zigorraz gain, gizonak kalte ordainak ere pagatu beharko ditu: 12.500 euro eman beharko dizkio Balyuken aitari, eta hogeina mila euro, berriz, biktimaren bi ahizpei.

2003tik 112 emakume hil ditu indarkeria matxistak Euskal Herrian. Asteon bertan izan da azken biktima, Gasteizen: Erika Tavares; 37 urte zituen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hiesa: GIB positiboen ahotsa

Hiesaren Aurkako Nazioarteko Eguna da gaur

Paulo Ostolaza - BerriaTB

Aurten bete dira 40 urte lehen kasuak agertu zirenetik. GIB positibo diren bi pertsonari eman nahi izan die hitza BERRIAk: Joseba Errekalderi eta Josu Unanueri. 90eko hamarkadan jakin zuten seropositibo zirela, eta ordutik hona bizi izandakoak kontatu dituzte. BERRIAk sakon landu zuen gaia igandean.

Gasteizen, Armentiako gas putzuak ustiatzeko proiektuan atzera egin behar izan zuen Jaurlaritzak. ©JAIZKI FONTANEDA / FOKU

Interes orokorra eta udal eskumenak aurrez aurre jarriko dituen zuzenketa bidean da

Jone Arruabarrena

Pil-pilean dago legearen inguruko eztabaida, EAJ eta PSEk aurkeztutako zuzenketaren ondoren. Zuzenketa onartuz gero, litekeena da ondorioak izatea udalen eskumenetan

<b>Gotzone Sagardui.</b> Osasun sailburua, atzo, Gobernu Kontseiluaren ostean egin zuten agerraldian. ©J. FONTANEDA / FOKU

Datu «txarrak» direla eta, osasun larrialdia ezarriko du berriz Jaurlaritzak

Berria

Espainiako Auzitegi Gorenak onetsi egin du Araba, Bizkai eta Gipuzkoan osasun ziurtagiria erabiltzea. Ziurtagiria datuak apaltzeko «tresnetako» bat izango dela dio Urkulluk A. Iraola - J. Ordoñez- J. Senar

Ertzain bat bilaketa lanetan, atzo, Karrantza ibaian. ©Ertzaintza

Karrantza ibaian aurkitu dute igandean desagertutako 31 urteko gizona

Berria

Sendiak igandean jarri zuen salaketa, atzo aurkitu zuten Ramales de la Victorian (Espainia), eta Ertzaintzak gaur baieztatu du gorpua desagertuarena dela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.