Albistea entzun

Gazteen aurkako kriminalizazioa salatzeko protesta egingo da Iruñean

Larunbatean egingo dute manifestazioa, 18:30ean. Aurreko astean atxilotutako gazteen senide eta lagunek bultzatu dute deialdia
Gazteen senideak eta lagunak, atzo, Arrotxapea auzoan.
Gazteen senideak eta lagunak, atzo, Arrotxapea auzoan. JAGOBA MANTEROLA / FOKU Tamaina handiagoan ikusi

Uxue Rey Gorraiz -

2021eko maiatzak 5

Joan den astean Iruñerrian atxilotu zituzten gazteen senide eta lagunek larunbatean Iruñeko Arrotxapea auzoan manifestatzera deitu dute. 18:30ean hasiko da manifestazioa, Plaza Gorrian. Erasoen aurrean, klase elkartasuna! lelopean eginen dute. Atzo egin zuten gazteen senideek eta lagunek agerraldia deialdia iragartzeko. Gainera, gogor kritikatu zituzten bai iragan astearteko polizia operazioa, bai hura gauzatzeko modua. Besteak beste, senideek eta lagunek salatu zuten atxiloketek «ikara sortzeko helburu argia» zutela, eta akusazioen atzean «manipulazio maltzurra» dagoela.

Prentsaurrekoan, salatu dute polizia operazioak urratu egin dituela atxilotutako gazteen eskubideak. Adierazi dutenez, atxilotuen etxeetan miaketak egin zituztenean, debekatu egin zuten bertan inor egotea, eta, ordu luzez, ez zieten aukerarik eman senideekin eta konfiantzazko abokatuekin hitz egiteko. Bestalde, salatu dute gazteak atxilo egondako bi gauetan ukatu egin zitzaiela osasun neurri egokiak izateko eskubidea: hotza eta higiene falta izan zuten, senide eta lagunen esanetan.

«Gazteak kriminalizatuta»

Salatu dute berriki gertatutakoa ez dela kasu bakan bat: «Salbuespena arau bihurtu da». Adierazi dute azkenaldian areagotu egin dela «indar polizialen boterea eta inpunitatea», eta, diotenez, horrek «gazteen kriminalizazioa» ekarri du. Hala, zabaldutako oharrean, babesa adierazi diete atxilotutako gazteei, eta nabarmendu dute erasoa «guztien aurkakoa» ere badela.

Espainiako Poliziak herenegun jakinarazi zuenez, «GKSren inguruko kale borrokako talde bat» osatzea leporatzen diete. Atxilotutakoak «erakunde sezesionista erradikaletako» kide direla zehaztu du Poliziak, eta GKS Gazte Koordinakunde Sozialista aipatu du zehazki. «Amnistia Ta Askatasuna» taldearen zale direla ere jaso dute oharrean.

Polizia urtebetez aritu da Arrotxapean eta Burlatan (Nafarroa) gazteak ikertzen, eta esan du «ekintza bortitzak, sabotajeak eta erasoak» egiten zituztela, «modu antolatu eta koordinatuan». Bost bankuren egoitzen eta bi dendaren aurkako erasoak sartu dituzte salaketa horien artean, eta zaborrontziak kalean gurutzatzea eta poliziei harrika egitea ere egotzi diete.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Aro beltzerako liburu zuria

Gotzon Hermosilla

Zenbait arlotako 40 ikerlarik baino gehiagok 'COVID-19aren Liburu Zuria' aurkeztu dute. Jakintza arlo askotatik aztertu nahi izan dute pandemiak ekarritako egoera. 175 proposamen zehatz egin dituzte, «datuetan oinarrituta»
Nerabe talde bat maskara jantzita, aire zabalean. ©JAGOBA MANTEROLA / FOKU

Nafarroako gazte gehienek pandemiaren eragin emozionala igarri dute

Maria Ortega Zubiate

Ongizatean kaltea igarri badute ere, osasun emozional egokia dutela uste dute gehienek. Nafarroako Gobernuak ikerketa bat egin du
Hego Euskal Herriko ostalariek aukera izanen dute 22:00ak arte irekitzeko. ©IÑIGO URIZ / FOKU

Euskal Herri osoa arintze fasean izanen da bihartik aurrera

Ion Orzaiz - Mikel P. Ansa - Paulo Ostolaza

Jaurlaritzak neurri murriztaile gehienak arindu ditu, epaileen irizpideei men eginda. Hegoalde osoan libre izanen dira joan-etorriak. Txibitek ostalaritza irekitzeko plana aurkeztu du
Iñigo Urkullu Eusko Jaurlaritzako lehendakaria, Labiren bileran. / ©Jon Usual, EFE

Jaurlaritzak helegitea aurkeztuko dio EAEko Auzitegi Nagusiaren erabakiari

Paulo Ostolaza - Jon Ordoñez Garmendia

Goizean epaileek ebatzi dute Jaurlaritzak ez duela eskumenik herritarren joan-etorriak mugatzeko behin alarma egoeraren legea indargabetu eta gero. Etxeratze agindua ezartzeko modurik ez duela ere zehaztu du, eta bilkurak lau lagunetara mugatzeko debekua ere atzera bota du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.