Albistea entzun

'O TEMPLO DO FUTEBOL'

Maldizioa!

Bertol Arrieta -

2014ko uztailak 11

Agur esan nahi nion Belinhari, eta kalez kale ibili naiz Lapan, non topatuko, asteburuan berarekin egokitzea zailagoa zatekeelakoan. Ez dut astirik alferrik galtzeko; astelehenean daukat bueltako hegazkina. Aldok ez dit telefonoa hartzen alemaniarren sarraskiaren ondorenetik, eta noraezean jardun naiz, itsu-itsuan gora eta behera.

Bruxo Marcelorekin egin dut topo. Espainiar batzuei adarra jotzen ari zitzaien, finala Argentinak irabaziko duela esanez, eta Messik zelai erditik gola sartuko duela ziurtatuz.

-Izugarria izango da! Egin kasu Bruxo Marcelo zaharrari! Maracanaren maldizioa alemaniarrek eramango dute betirako! -esaten zien.

Barre egin dut, halako gol batekin Munduko Kopa bat irabaztea zer izango litzatekeen pentsatze hutsarekin. Baina nik ere badaukat errezelo arraro bat —eta baita Aldok ere— esaten didana Messi kopa jasotzen ikustea tokatzen zaigula aurtengoan, nahiz eta alemaniarrak izan faborito argi. Eta Neuer atezaina libero lanetan dabilen hauetan... Ibil dadila tentuz!

Goizeko hirurak aldera aurkitu dut Belinha, azkenean, Largo do Lapan, Ernesto izeneko taberna ilun batean, alemaniar itxurako ilehori batekin musuka. Atetik begiratu diot, eta begiztatu nauenean, irribarre egin dit. Alemaniarrari hitz batzuk xuxurlatu eta niregana hurbildu da.

-Banoa -esan diot.

-Badakit -esan dit.

Eta musu luze bat eman dit bere mingainarekin kafe-zapore eder baina mikatza utziz egun askotarako nire aho-sabaian, fereka gozo bat marraztu dit eskuarekin aurpegian, eta begi-keinu bat egin ostean, barra ondora bueltatu da, alemaniarrarengana.

«Arrivederci»(?!) esan dit aldendu aurretik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iñaki Williams, David Alabarekin lehian, Real Madrilen aurka jokatutako Espainiako Superkopako finalean. ©JULIO MUÑOZ / EFE

Zailenak, baina etxekoen babesaz

Julen Etxeberria

Athleticek Real Madril izango du aurkari Espainiako Kopako final-laurdenetan, eta Realak, Betis. Biek etxean jokatuko dute kanporaketako partida bakarra, otsailaren 3an
Mendizale bat erreskateko helikopteroari begira, Belaguako aterpetxearen inguruan. ©JESUS DIGES / EFE

Mendia ez dago edonorentzat

Unai Ugartemendia

Urtea hasi zenetik bost mendizale hil dira Pirinioetan. Azken astean gehiago korapilatu da kontua, eguraldiak asko aldatu baitu elurraren egoera. Zuhurtzia eskatu dute.
Gernikako Itziar Ariztimuño eta IDK-ko Yurena Diaz lehian, lehen itzuliko partidan. ©MONIKA DEL VALLE / FOKU

Atzerapenez ahaztu nahi dute

Ainara Arratibel Gascon

Derbia jokatuko dute bihar eguerdian, Donostiako Gaska kiroldegian, IDK Euskotrenek eta Lointek Gernika Bizkaiak. Bi taldeak «gogotsu» dira, behingoz segidan lehiatu ahal izateko.
Alexander Sorloth eta Yeray Alvarez lehian, Anoetan jokatutako derbian. ©Gorka Rubio / Foku

Athletic-Real Madril eta Reala-Betis, Espainiako Kopan

Julen Etxeberria

Zuri-gorriek eta txuri-urdinek etxean jokatuko dute final-laurdenetako partida bakarra, otsailaren 3an

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.