Albistea entzun

Espetxetik atera dira buruzagi independentistak, graduz aldatuta

Kataluniako Auzitegi Nagusiak ebatzi du bozak otsailaren 14an egingo direla. Generalitatearen inkesta batek ERCri ematen dio garaipena
Buruzagi independentistak kartzelatik atera berritan, atzo.
Buruzagi independentistak kartzelatik atera berritan, atzo. SUSANNA SAEZ / EFE Tamaina handiagoan ikusi

Julen Aperribai -

2021eko urtarrilak 30

Lledoners espetxetik atera ziren preso dauden Kataluniako buruzagi independentistak atzo —Carme Forcadell ez beste guztiak—, kanpaina hasi zen egun berean.

Irten berritan agerraldia egin zuen Oriol Junqueras presidenteorde ohiak, eta hitzeman zuen «errepresioa amaitu eta erbesteratuak itzultzeko» lan egingo duela. Kataluniak dituen erronka nagusietan egin beharreko «ahaleginaz» ere aritu zen. «Herrialde bat dugu altxatzeko, pandemia bat gainditzeko eta ekonomia bat berpizteko», adierazi zuen.

Generalitateak atzo eman zien hirugarren gradua buruzagi espetxeratuei, baina fiskaltzak helegitea jar diezaioke erabaki horri. Hain justu, fiskaltzaren jokabidea gaitzetsi zuten Jordi Turull eta Josep Rull kontseilari ohiek. «Zer espero dezakegu fiskaltza honengandik, Ciutadansen ekitaldietan Voxen mitinak egiten dituen Fiskaltza honengandik?» galdetu zuen, erretorikoki, Turullek. Kritikatu egin zuen, halaber, Kataluniako Auzitegi Nagusiak bertan behera utzi izana bozak atzeratzeko erabakia: «Noiz bozkatu behar dugun ere esaten digute orain». Espainiako Auzitegi Gorenak buruzagi independentistekiko duen «mendeku gosea» salatu zuen Rullek.

Auzitegiaren berrespena

Kataluniako Auzitegi Nagusiak presoek espetxea utzi eta gutxira jakinarazi zuen eutsi egingo diola bozen datari, eta, beraz, otsailaren 14an egingo direla. Otsailaren 8ra arteko epea zuen erabakia hartzeko, baina atzo jakinarazi zuen.

Kataluniako Fiskaltza ere data horretan egitearen alde mintzatu zen aurrez, argudiatuta Generalitateak alderdi politikoekin adostutako atzerapena hauteskunde legearen eta Kataluniako Estatutuaren aurkakoa dela.

Kataluniako Generalitatearen Ikerketa eta Iritzi Zentroaren inkesta baten arabera, ERCk irabaziko lituzke hauteskundeak: 35 eta 36 parlamentari artean lortuko lituzke Pere Aragones zerrendaburu duen alderdiak. JxCk 32 eta 33 artean eskuratuko lituzke, eta PSCk, 26 eta 29 artean. Horien atzetik, Ciutadans, PPC, En Comu Podem, CUP eta Vox lirateke boto gehien jasoko luketen alderdiak, hurrenkera horretan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Israelgo soldaduak atzo erasoa izan zen sinagogaren kanpoaldean. / ©ABIR SULTAN, EFE

Israelek 42 pertsona atxilotu ditu Jerusalemgo ustezko erasotzailearen etxean eta inguruetan

Jon Ordoñez Garmendia

Besteak beste, Jaire Alkam gazte palestinarraren gurasoak atxilotu ditu. Guztiak horren bizikideak edo bizilagunak dira. 13 urteko haur palestinar bat hil dute bi israeldarrek, ustez horrek beste bi lagun zauritu ostean.

Jende andana Eskoziako trans legearen proiektuaren aldeko protestan, joan den astean, Londresen. ©ANDY RAIN / EFE

«Blokeoaren atzean asmo politikoak daude»

Maddi Iztueta Olano

Erresuma Batuko Gobernuak trans legea blokeatzeak hautsak harrotu ditu Eskozian. Florence Oulds ekintzailearen arabera, prozesu demokratiko bat eten dute. Uste du trans komunitatea ez ezik beste herritarrak ere «oso haserre eta minduta» daudela.

Tyro Nichols, Poliziak hil aurretik, bart zabaldu den bideoaren irudi batean. / ©Memphisko Udala

Bost poliziak Tyre Nicholsi eman zioten jipoiaren irudiek haserrea eta protestak eragin dituzte AEBetan

Jon Ordoñez Garmendia

Memphisen bizi zen 29 urteko gazte afro-amerikarra uztailaren 7an geldiarazi zuen Poliziak kontrol batean, bortizki kolpatu zuten, eta hiru egun geroago hil zen ospitalean. Jipoiaren bideo irudiak publiko egin zituzten atzo.

Israelgo larrialdi zerbitzuetako langileak eta Polizia, atzo, erasoa gertatu zen lekuan, Jerusalem ekialdeko sinagoga batetik gertu. ©ATEF SAFADI / EFE

Pertsona batek gutxienez zazpi lagun hil ditu Jerusalemgo sinagoga batean

Mikel O. Iribar Mikel Elkoroberezibar Beloki

Israelgo armadak ustezko egilea hil du, eta erasoa «terroristatzat» jo. Hamasek ekintza goratu du, bere gain hartu gabe. Palestinak bost suziri jaurti ditu Gazatik Israelera, eta Israelek Gaza bonbardatu du

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.