Albistea entzun

Zaldibarko luizia

Sindikatuek kezka dute suhiltzaileen jantzietan amiantoa agertu delako

Amianto aztarnak agertu dira Zaldibarren erreskate lanetan aritutako hiru suhiltzaileren jantzietan. Sindikatuek diote auzia «harago» doala
Suhiltzaileak, luizia gertatu berritan, SOS Deiak zerbitzuak egindako argazki batean.
Suhiltzaileak, luizia gertatu berritan, SOS Deiak zerbitzuak egindako argazki batean. BERRIA Tamaina handiagoan ikusi

Gotzon Hermosilla -

2020ko martxoak 10

Hilabete igaro da Zaldibarko zabortegian lur jausia gertatu zenetik, eta oraindik ez da apaldu lehenengo orduetan hara joan behar izan zuten suhiltzaile, ertzain eta bestelakoen haserrea. 16:00etan izan zen luizia, eta handik gutxira iritsi ziren hara erreskate lanetan aritu behar izan zuten lehenengo zerbitzuak, baina gauerdira arte ez zuten jakin zabortegian amiantoa bazegoela. Bertan behera laga zituzten lanak. Orain, kezka areagotu da jakin dutenean amianto aztarnak aurkitu dituztela han aritu ziren hiru suhiltzaileren jantzietan —Iurretako suhiltzaile etxeko bi eta Derioko bat (Bizkaia)—.

«Guk kamioietan beti eramaten ditugu gai arriskutsuetarako jantzi bereziak», azaldu dio BERRIAri operatiboan parte hartu zuen suhiltzaileetako batek —nahiago izan du izenik ez esan—, «baina ez genituen erabili, inork ez zigulako esan han amiantoa eta beste substantzia batzuk zeudela. Maskararik ere ez genuen erabili, eta hori akatsa izan zen, usaina oso sarkorra zelako».

Argia astekariak joan den astean argitaratu zuenez, Iurretako suhiltzaile taldeko biren jantzietan eta Derioko batenean amianto aztarnak aurkitu dituzte. Bizkaiko Foru Aldundiko Osasun zerbitzuak operazioan parte hartutako suhiltzaileekin harremanetan jarri dira, eta jakinarazi diete langileak bi taldetan sailkatzeko asmoa dutela, ustez bakoitzak izandako arriskuaren arabera.

Suhiltzaileak BERRIAri esan dio ez daudela ados horrekin: «Airean partikula multzo bat baldin badago, zuregana irits daiteke haizearen norabidearen arabera, eta, beraz, ezin da esan zuloak egiten ibili ez zirenek arrisku gutxiago zutela; izan ere, hiru kideren jantzietan antzeman dituzte amianto partikulak, eta horietako bat ustez arrisku gutxiago hartu zuen taldekoa da, ez baitzen ibili lurra zulatzen».

Eguneroko egoeraren isla

Oscar Abad ELAko Lan Osasuneko arduradunaren ustez, «gertatutakoak oso ondo islatzen du enpresetan egunero ikusten duguna, hau da, lan osasunean eta prebentzioan dagoen arinkeria, informazio falta eta, askotan, baita inbertsio falta ere». Gainera, afera honetan kudeaketa «hasieratik gaur arte txarra eta kaotikoa» izan dela deritzo.

Baina sindikatuetako ordezkarien ustez, arazoa ez da horretan amaitzen, eta «harago» doala uste dute: «Suhiltzaileena fronte bat baino ez da. Hor jende gehiago aritu da lanean babes egokirik gabe: ingeniariak, topografoak, ertzainak eta abar», azaldu du Abadek. Dioenez, «langile azpikontratatuen kasua» da kezkagarriena, eta anbulantzietan aritu zirenak aipatu ditu: «Langileek garbitu behar izan zituzten anbulantziak».

Lehenengo egunean lanean aritu zirenez gain, orain Zaldibarren garbitze eta erreskate lanetan dihardutenen egoeraz ere kezkatuta daude sindikatuak: «Jendeak esan digu hamar orduko lanaldiak egiten dituela. Legearen arabera, amiantoa duen lurra mugitzen ari badira, gehienez ere lau ordu egin ditzakete; hori ez dira betetzen ari», esan du Luli Eraso LABeko Lan Osasuneko arduradunak. Langile horiek ere artatzeko eskatu du: «Lanak luzatzen ari dira; jada ezin da esan amiantoarekin noizbehinkako kontaktua izan dutela».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostia ospitalea, artxiboko irudi batean. ©Andoni Canellada / Foku

Osakidetzako krisia areagotu du beste bi arduradunen dimisioak

Ion Orzaiz- Paulo Ostolaza

Adolfo Begiristain eta Maite Martinez dira, Donostia ospitaleko kirurgia zerbitzuko zuzendariordea eta mediku zuzendariordea, hurrenez hurren.

 ©ARITZ LOIOLA / FOKU

ERAGILE, EGILE ETA ORDEZKARI

Julen Aperrribai

Duela 25 urte sortu zuten Euskararen Gizarte Erakundeen Kontseilua, euskararen normalizazio prozesua bizkortzeko eta euskalgintzako erakundeak bateratzeko. Hizkuntza politiketara begirako akordio sozial zabalak, plangintzak eta proposamen zehatzak eragiteko gaitasuna izan du hasieratik. Adostasunok galgatu egin dira sarritan pauso berean: maila sozialetik maila politikora eramateko unean.
 ©ARITZ LOIOLA / FOKU

«Adostasun politikoek edukia behar dute; ez gaude argazkien garaian»

Maite Asensio Lozano

Lema uztera doala, azken urteetan egindako aurrerapausoak gogoratu ditu, baina aitortu du arazo batzuk «kronifikatzen» ari direla. Hartara, hizkuntza politika «sendoak» eskatu ditu.
Atzo Euskalgintzaren Kontseiluak antolatutako agerraldia; Iratxe Retolazak eta Leire Vargasek irakurri zuten adierazpena. ©MARISOL RAMIREZ / FOKU

«Euskarak izan behar du hezkuntza sistemako hizkuntza normalizatua»

Imanol Magro Eizmendi - Arantxa Iraola

Euskalgintzako hainbat pertsona ezagun batu ditu Euskalgintzaren Kontseiluak; adierazi dute euskara eta euskal kultura behar dituela ardatz Araba, Bizkai eta Gipuzkoarako ontzen ari diren Hezkuntza Legeak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...