Albistea entzun

23 artistak beren argitalpenak aurkeztuko dituzte Azpeitian

Liburu formatutik harago doazen argitalpenak jarriko ditu ikusgai Mahai Editoriala egitasmoak gaur eta bihar, eta performanceak ere izanen dira
Txaranga Urretabizkaia taldeak performance bat eginen du, <em>Partiturak/s</em> liburua aurkezteko.
Txaranga Urretabizkaia taldeak performance bat eginen du, Partiturak/s liburua aurkezteko. FOKU Tamaina handiagoan ikusi

Yasmine Khris -

2022ko uztailak 2

Esperimentazioa erdigunean. Euskal Herriko hainbat arte diziplinatako 23 artista elkartuko ditu asteburu honetan Sistema Eragilea plataformak Azpeitian (Gipuzkoa), Dinamoa sorkuntza gunean. Gaur egun osoan eta igande goizean, sortzaile, artista, diseinatzaile eta editoreek aukera izanen dute beren argitalpenak aurkezteko Mahai Editoriala izenekoan. Horrez gainera, performance bana eskainiko dute Itziar Okariz artistak, Txaranga Urretabizkaiak eta Ainara Legardonek.

Bigarrenez antolatu dute aurten mahaia, eta, aurrekoan ez bezala, gune bakar batean egitea erabaki dute. «Lehen jardunaldiak Bilbon, Iruñean eta Azpeitian antolatu genituen aldi berean; aurtengoan, bateratze modu bat aurkitu dugu», erran du Usue Arrieta artistak. Sistema Eragilea plataformako kudeatzailea ere bada, eta talde hori da asteburuko programa prestatu duena.

Txandakako aurkezpenak egingo dituzte artistek bihar eta etzi; 30 minutuko tarteak izango dituzte horretarako. Aurkezpenak egiteko ez ezik lanak ezagutarazteko eta iritziak trukatzeko gune bat ere izan dadin nahi dute.

Azokaren formatua imitatuz, hitzaldiak egiteaz gain, lanak erosteko eta trukeak egiteko aukera ematea da asmoa. Gune zabal bat sortzea, alegia. «Giro hori lortu nahi dugu».

Itziar Okariz artistak gaur eguerdian egingo du performancea. Sueños izeneko pieza emango du, Azpeitian aurkeztuko duen liburu eponimotik abiatuta, eta ametsetan oinarrituta. Arrietak eman du azalpena: «Amesten zuenaren apunteak hartu ditu, eta bidaia bat josi du horrekin».

Txaranga Urretabizkaia arituko da arratsaldean. 2017an jaiotako taldeak Partiturak/s bilduma argitaratu du, sortu edota jo dituzten pieza guziekin. Ehun bat partitura ikusgai eta entzungai dira. Esperimentazioa dute sorkuntzarako motor nagusia, eta talde «hiperbentilatutzat» daukate beren burua, haize instrumentuei erreferentzia egiten. Maiz, mugimendu, gorputz, inguru eta koloreetan oinarritzen dituzte konposizioak. «Edozertan, egia esan», gehitu du Arrietak, irriz. «Okasiorako obra berezi bat sortu dute: auskalo zer izanen den!». Herrian arituko dira, edonola ere, kalejiran.

Bihar, azkenik, Ainara Le Gardon kantari bilbotarrak kontzertu-performance bat emanen du: Res-cue. The Archive in the Mouth. Sortzaileak bi zinta eta idatzizko hainbat ohar dituen liburu-kasete bat aurkeztuko ditu mahaian egunotan.

Eskuz eginda

Asteburuan aurkeztuko diren lanak hainbat diziplinatakoak badira ere, jardunaldiak plastikotasuna du ardatz. «Materialtasuna interesatzen zaigu, pieza fisikoak, nola ukitzen duten elkar, nola irekitzen diren eta zergatik...», azaldu du Arrietak. Horretarako, bertaratzen direnek aukera izango dute lanak eskuz ukitu eta haiekin esperimentatzeko.

Arrietari obra batek piztu dio bereziki arreta, Amable Ariasen Copiador mil hojas lanak. 498 marrazki egin zituen Ariasek arroz paper finetan, eta pilatuz doaz irudiak, orrien gardentasunagatik. «Konposizioak eta gardentasunak berezi bihurtu dute obra. Ez da beste inon ikusi: horra pieza historiko bat ikusteko aukera».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sare sozialetan zabldutako irudia. Zauritutako gizon bat dago lurrean, –Salman Rushdie omen da–. ©BERRIA

Salman Rushdie idazleari eraso egin diote New Yorken, labanaz

Andoni Imaz - Uxue Rey Gorraiz

Ospitaleratua da, larri; ebakuntza egin diote eta intubatuta daukate. Ustezko erasotzailea atxilotua da: 24 urte ditu, eta New Jerseykoa da. Idazlea heriotza mehatxupean izan da azken 33 urteetan, 'Satanic Verses' (Bertset satanikoak) idatzi zuenez geroztik.

 ©JUAN DE DIEGO

«Jazzaren iturburura bueltatu nahi nuen, eta soinu hori jaso»

Aitor Biain

Pianoa, kontrabaxua, bateria eta tronpeta lagun, lauko formatuan ondu du 'Grebalariak' diskoa. 1919ko La Canadencaren greba oroitu nahi izan du lanarekin. Plentziako Agorri Jazz jaialdian aurkeztuko du lana, gaur.

Lehen uda etxetik kanpo

Paule Ixiar Loizaga Legarra.

(Sopela, Bizkaia, 1997). Algortako bertso eskolan (Bizkaia) hasi zen bertsotan gaztetxotan, eta hainbat gazte sariketatan eta plazatan kantatu izan du urteetan. 2016. urteaz geroztik parte hartu du Bizkaiko Bertsolari Txapelketan.
Norman Foster, 2019ko abenduan, proiektua jendaurrean aurkeztu zuenean. ©LUIS JAUREGIALTZO / FOKU

Urbelan, Altuna y Uria eta Campezo enpresek handituko dute Arte Ederren eraikina

Mikel P. Ansa

41,1 milioi euroko kostua izango du obrak guztira —hasiera-hasierako proiektuan espero zutena baino ia hemeretzi milioi euro gehiago—, eta 2024ko abuztuan bukatu beharko lukete.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...