Albistea entzun

Katalunia

Koalizio gobernuak jarraitzea «lehentasun bat» da Aragonesentzat

«Egoera konpontzeko garaia da», JxCren arabera. Aragonesek «ahalik eta azkarren» aritzeko eskatu dio JxCri politika orokorreko eztabaidan
Pere Aragones, Kataluniako Parlamentuan, lehen aldiz Jordi Puignero presidenteordea aldamenean izan gabe.
Pere Aragones, Kataluniako Parlamentuan, lehen aldiz Jordi Puignero presidenteordea aldamenean izan gabe. EFE Tamaina handiagoan ikusi

Mikel Elkoroberezibar Beloki -

2022ko urriak 1

Pere Aragones Kataluniako Generalitateko presidenteak ERC Esquerra Republicanak eta JxC Junts Per Catalunyak osatzen duten koalizio gobernua mantentzearen alde egin zuen atzo Kataluniako Parlamentuko politika orokorreko azken eztabaidan. Are, nabarmendu zuen koalizio gobernua mantentzea bere «lehentasuna» dela. Albert Batet JxCren parlamentuko eledunak garrantzi eman zion bi alderdien arteko liskarrei irtenbide bat bilatzeari: «Egoera konpontzeko garaia da».

Aragonesek «ahalik eta azkarren» aritzeko eskatu zion JxCri atzoko mintzaldian. Izan ere, JxCko zuzendaritzak herenegun erabaki zuen oraingoz ez dela Kataluniako Gobernutik aterako, baina militantziaren esku utzi du gobernuan jarraitzeko ala ez segitzeko erabakia. Datozen ostegun eta ostiralean egingo dute kontsulta.

Gainera, JxCk bihar gauera arteko epea eman zion Aragonesi egoera bideratzeko negoziazioak egiteko. «Igande gauean, ados jartzea beste lanik ez dugu. Hori bai, ez da ultimatum bat izango», zehaztu zuen Jordi Turull idazkari nagusiak. Atzoko eztabaidan, Batetek iragarri zuen JxCk proposamen bat helaraziko diola Aragonesi, «zehaztapenekin, irizpideekin eta bermeekin», gobernu akordioa bete dadin. Edizio hau ixterako, JxCk ez ditu publikoki azaldu proposamenaren nondik norakoak.

Irtenbide bila

Hala ere, gobernuko krisia konpontzeko, hiru eskari egin dizkio JxCk ERCri liskarren hasieratik: prozesu independentista bultzatzeko zuzendaritza estrategiko bat eratzea, Espainiako Gorteetan bi alderdiek fronte bateratua osatzea, eta Kataluniako eta Espainiako gobernuen arteko elkarrizketa mahaiaren edukia amnistiara eta autodeterminaziora mugatzea.

ERCk esana zuen, ordea, ez dutela «ultimatumik» onartuko. Are, Generalitateko Presidentetza kontseilari Marta Vilagrak herenegun azpimarratu zuen gobernuak aurrera jarraituko duela JxCk erabakitzen duena kontuan izan gabe.

Politika orokorreko bigarren eta azken— saioaren eta asteartean egin zuten lehenaren arteko aldea nabarmena izan zen atzo. Asteartean, Aragonesen ondoan Jordi Puignero Generalitateko presidenteordea zegoen eserita, eta atzo, berriz, ez. Asteazken gauean, Generalitateko presidenteak Puignero kargutik kendu zuen, harenganako «konfiantza politikoa galdu» zuela argudiatuta.

Izan ere, astearteko eztabaidan JxCren Kataluniako Parlamentuko eledunak Aragonesi ohartarazi zion ERCk eta JxCk sinatutako «gobernu akordioa betetzeko bermerik» aurkeztuko ez balu konfiantza mozio batera aurkeztu beharko lukeela bere burua parlamentuan.

Atzoko eztabaidan JxCk ez zuen ezer adierazi konfiantza mozio baten inguruan, baina bai PPCk. Aragonesi eskatu zion konfiantza mozio batera aurkezteko, baina ERC, JxC, CUP, PSC eta En Comu Podem indar politikoek ezetz bozkatu zuten.

Bestalde, En Comu Podemek Espainiako eta Kataluniako gobernuen artean adostutako erreferendum bat antolatzea proposatu zuen atzo, baina ERCk baino ez zuen babestu.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Palestinako herritarrak Israelgo segurtasun indarrek hildako palestinar baten hiletan, Ramallahn. ©Alaa Badarneh / EFE

Israelen eta Palestinaren arteko gatazka «borborka hastear» dagoela ohartarazi du NBEk

Maddi Iztueta Olano

Erakundeak bi estatu sortzeko plana onartu zuenetik 75 urte betetzen dira gaur, baina liskarrak ez du etenik izan ia. Israelgo segurtasun indarrek lau palestinar hil dituzte bart.

Erreskatatu dituzten hiru gizonak, 'Alithini II' petrolio ontziaren lema gainean. ©@salvamentogob

Petroliontzi baten lemaren gainean 11 egunez iraun duten hiru lagun erreskatatu dituzte Kanarietan

Paulo Ostolaza

Ontzia Lagostik abiatu zen, Nigeriatik, azaroaren 17an. Lehen arreta eman eta gero, hipotermia zantzuekin ospitaleratu dituzte hiru gizonak.

Jens Stoltenberg NATOko idazkari nagusia, atzo, Bukaresten egindako agerraldian. ©ROBERT GHEMENT / EFE

Stoltenberg: «NATOk Ukraina babesten jarraituko du, eta ez dugu atzera egingo»

Mikel O. Iribar

Mendebaldeko aliantza militarra bilera egiten ari da Bukaresten. Reutersen arabera, NATO presio egiten ari zaie armak ekoizten dituzten enpresei, hornidura «arazoak» dituztelako.

Irango emakumeen aldeko protesta bat, Istanbulen (Turkia), larunbatean. ©ERDEM SAHIN / EFE

Iranek ez dio lagunduko NBEri protestetako errepresioa ikertzen

Maddi Iztueta Olano

NBEk misio bat sortu du Mahsa Aminiren aldeko mobilizazioetako errepresioa ikertzeko. Protestetan 300 lagunetik gora hil dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.