Albistea entzun

Kataluniako hauteskundeak. LEKU-LEKUTAN

Zirrara Katalunian

Urtzi Urrutikoetxea -

2017ko abenduak 23

Ez da astebete BECen geundela, liluratuta, Barakaldoko eraikin erraldoitik kanpo mundua han barruan bezain zoragarria izan zitekeela sinetsita. Goizeko unerik hunkigarrienetakoa Unai Agirrek utzi zigun. Bruselara eraman gintuen BECetik —nire irudimena izango zen, baina ohi baino jertse beilegi gehiago ikusi nituela iruditu zitzaidan—, eta agertokira begira, itzulpenarekin segitzen ari ziren atzerriko lagunen artean estelada-k astintzen hasi ziren (berriz ere Herrialde Katalanetatik etorritako glosadore-ak ziren talde handiena. Egunkaria-ren itxieraren 15. urteurrena gainean, ez dugu zalantzan jarriko nor dugun lagun leialena munduan, ezta?). Estelada haiekin batera, «Puigdemont» oihuak edo, zurrumurruak, hedatu ziren ia hamabost mila bertsozaleren artean. Edonori hiru hilotako uneren bati buruz galdetuta, Maddalen Arzallus aipatuko dute askok Doraemonen doinuan Kataluniako lehendakariari kantatzen Irunen.

Apustua biribil irten zaio Puigdemonti. Independentismoaren buru kokatu da nabarmen etxean, eta erreferente erabateko bihurtu da nazioartean. ERC 45 aulkien bueltan eta PDECat hogeitik behera ageri zen duela bi hil baino gutxiago, Madrilek autonomia kendu, Katalunia bere aginte zuzenaren menpe jarri eta hauteskundeak deitu zituenean. Gogorra da espetxean dagoenaren estrategia okerra izan zela esatea, baina gogora ekarri behar da 2014ko azaroaren 9an ere huts nabarmena egin zuela Oriol Junquerasek: beste militante bat gehiago bezala hautes-mahai batean egotea hautatu zuen; sasoiotan mugimendu bat gorpuzten duen pertsonak presentzia mediatiko etengabea behar du horrelako data seinalatuan. Bata mahaitik mugitu gabe, protagonismo guztia Artur Masek bereganatu zuen. Gero, David Fernandezekin besarkada espontaneoak eguna biribildu zuen. Boz hauetan, ERCren apustua lehen indarra izatea bazen, ez dute asmatu. Baina egia izan da bereizita boto eta aulki gehiago lor zitzaketela: ezin jakin batera joanez gero horrelako emaitzarik lortuko ote zituzten. Eta inkestek ziotena betetzera, ERC aurretik gelditzera sor zitekeen arazoa ere aldi baterako estaltzen du: ANCk berak ohartarazi zuen duela astebete Kataluniako president legitimoa Puigdemont dela; ERC gailenduz gero, talka konplikatua gerta zitekeen, 155aren eta Gobernu legitimoaren artean. Alde horretatik, Nafarroaren antzera, Geroa Baik EH Bilduk baino boto gehiago lortu izanak, objektiboki, aldaketa gertatzea erraztu zuen. Zoragarria izan zen Bruselan erbesteratutako gobernukideak elkarrekin agertzea, eta Carles Puigdemontek hitza hartu aurretik Toni Comin ERCko sailburuak (ministroak!) berba egitea; president-aren keinu bikaina, etorkizuna begira batez ere.

Emaitzei dagokienez, nahi diren ñabardura guztiekin, baina bikainak dira independentistentzat, edonondik begiratuta ere (CUPen beharra gutxitu da, baina akatsa litzateke aintzat hartzen ez badituzte). Joko-zelaia aldatuta, epaileak erosita, eta jokalari onenak zelaitik kanpo izanda gailendu dira inoizko oldarraldi handienaren aurrean.

Europa osoko hedabideek bat egin dute Rajoyren zartakoa azpimarratzerakoan. Puigdemontek 34, Rajoyk 3. Independentismoak 70, unionismoak 57, edo bototan ehuneko 48-43. Ines Arrimadas eta Albert Rivera, espainol hutsez biak, ez hainbeste keinu identitario gisa (Katalunian ez dago hizkuntza-arazorik, Espainiatik planteatu gura den gisan), ezpada Espainiara begira baizik. PPk kale eginez gero, marketinak prest du produktu alternatiboa (hil-kanpaiak goizegi jo badizkiete ere, Albert izeneko inor Gaztelako herrietan irabaztetik urrun dago).

Gurean egin bezala, itsu-itsuan profezia idatzi eta errepikatzearen indarrez beteko zela uste izan dute espainiar hedabideek berriz ere. Europan ere lelo hori erosi ei zieten. Ustez hasierako lekura itzuli gara. Baina ezer ez da berdin, ez Europa, ez Espainia ez Katalunia. Lehen aldiz herrialde baten aurkako prozedura abiarazi du Bruselan Batzordeak. Merkelek nahiko lan etxea gobernatzea lortzen. Espainian, hauteskundeak amaitu aurretik berriz ere aktibatu du errepresioaren beso judiziala. Preso politikoen kostua astunagoa da. Eta Espainiak kanporatutako president-a erbesteratura, etxera garaile itzultzea falta da, inbestidurarako. Eutsi emozioei, kapitulu zirraragarriak datoz ere.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Pedro Castillo atxilotuta ageri den telebista bat, gaur, Liman. ©Paolo Aguilar / EFE

Atxilotu egin dute Castillo, kongresua desegin eta salbuespenezko gobernu bat ezarri ostean

Paulo Ostolaza - Mikel Elkoroberezibar Beloki

Peruko Fiskaltzak eman du atxilotzeko agindua. Aurrez, kongresuko diputatuek gehiengo osoz erabaki dute presidentea kargugabetzea. Estatu kolpea ematea egotzi diote bere alderdiak eta hainbat ministrok, besteak beste.

Fernandez, azaroan, La Plata hirian egindako ekitaldi batean. ©DEMIAN ALDAY / EFE

Cristina Fernandezi sei urteko kartzela zigorra ezarri dio auzitegi batek

Mikel Elkoroberezibar Beloki

Ustelkeria leporatu diote, eta inhabilitazioa ezarri. Foruduna denez, Argentinako presidenteordeak babesa izango du 2023ko udaberrira arte

Raphael Warnock hautagai demokrata bart, bozak irabazi ostean. ©JIM LO SCALZO / EFE

Senatuan gehiengoa handitu du Alderdi Demokratak, Georgian irabazita

Berria

Raphael Warnock demokrata nagusitu zaio Herschel Walkar errepublikanoari, eta demokratek ez dute beharko Kamala Harrisen botoa berdinketak hausteko.

Errusiako armadako tanke batzuk ariketa militarrak egiten Rostov eskualdean, iazko urtarrilaren amaieran. ©EFE

Neguak gerrari eragingo dio

Igor Susaeta

Elurrak, hotzak eta eguzki orduen urriak baldintzatuko dituzte guda zelaiko mugimenduak eta horien ondorioz sortutako abaguneei eman beharreko erantzunak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.