Albistea entzun

Koronabirusa

Lapurdiko hiru ikastetxe hetsi behar izan dituzte koronabirusagatik

Bidarteko, Uztaritzeko eta Basusarriko eskolak gutxienez astebetez egonen dira zerraturik. Hegoaldean, 183 talde etxeratu dituzte
Eskola bat itxita, iragan urteko maiatzean, artxiboko irudi batean.
Eskola bat itxita, iragan urteko maiatzean, artxiboko irudi batean. GUILLAUME FAUVEAU Tamaina handiagoan ikusi

Oihana Teyseyre Koskarat -

2021eko azaroak 23 - Baiona

Koronabirusaren datuak berriz ere okertzen ari dira Ipar Euskal Herrian. Azken datuen arabera, zazpi eguneko intzidentzia tasa metatua 221ekoa da 100.000 biztanleko. Erraterako, Lapurdin bi eskola itxi behar izan dituzte ikasle batzuek positibo eman ondotik. Hala, atzotik hasita, Bidarteko eskola publikoa eta Uztaritzeko eta Basusarriko ikastolak astebetez egonen dira hetsirik, gutxienez. Eskola horietako ikasleek birusa detektatzeko proba bat egin beharko dute datozen egunetan.

Ipar Euskal Herriko datu zehatzik ez izan arren, lurraldea barne duen Pirinio Atlantikoetako departamenduan 68 ikasgela zeuden itxita iragan ostiralean. Araba, Bizkai eta Gipuzkoan, berriz, Eusko Jaurlaritzak 60 ikastetxetako 98 ikasgela hetsi ditu aste honetan koronabirusarengatik, baina ez dute oraingoz ikastetxerik osoki zerratu behar izan. Nafarroan, 85 ikasgela hetsi dituzte 44 ikastetxetan. Hego Euskal Herrian, beraz, 183 ikasgela bakartu dituzte guztira.

Zehaztekoa da eskolaz gain Bidarteko aisialdi zentroa ere hestea erabaki duela herriko etxeak. Izan ere, herriko eskolan 545 ikasle daude, eta ikastetxe ezberdinetako ikasleek elkar ez kutsatzeko hartu dute neurria. Emmanuel Alzuri auzapezak esplikatu du hastapenean ama eskolan atzeman zituztela kasuak, eta gelak itxi behar izan zituztela iragan astean. Baina fite hedatu da gaitza lehen hezkuntzara ere, eta horregatik erabaki behar izan zuten ikastetxea hestea, Pirino Atlantikoetako prefeturarekin eta Ikuskaritzarekin adostuta. Hetsierak iraunen duen bitartean, klaseak distantzian emanen dituzte irakasleek.

Maskara leku zenbaitetan

Egoera epidemiologikoaren okertzeari aurre egiteko asmoz, Pirinio Atlantikoetako Eric Spitz prefetak maskararen erabilera luzatzea erabaki du. Neurria abenduaren 17ra arte izanen da indarrean, baldintza jakin batzuetan. Kanpoko azoketan, elkarretaratze publikoetan eta publikoa hartzen duten egituren aitzinean sortzen diren jende lerroetan erabiltzea beharrezkoa izanen da; karrikan, baina, ez da baitezpadakoa izanen. Eskoletan, udazkeneko oporren sartzeaz geroztik, 6 urtetik aitzina derrigorrezkoa da maskara erabiltzea ikastetxe barnean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Osasungintza publikoaren alde Bilbon egin duten manifestazioa, gaur. ©Aritz Loiola / Foku

Milaka lagun mobilizatu dira osasungintza publikoaren alde Bilbon, Donostian eta Gasteizen

Paulo Ostolaza

ELA, Satse, LAB, CCOO eta UGT sindikatuek deituta, Osakidetzak bizi duen egoera «jasangaitza» salatu dute. Neurriak hartzeko eskatu diote Jaurlaritzari.

Bartzelonako ikastetxe bateko ikasleak gelan, artxiboko irudi batean. ©QUIQUE GARCIA / EFE

Nola ondu hezkuntza lege bat

Irati Urdalleta Lete

Katalunian, adostasun zabal batekin onartutako hezkuntza akordioa eta legea dituzte. Eztabaidarik ez zen falta izan: itunpeko eskolen ingurukoa, autonomiarena... Adostasun osoa puntu bakar batean izan zuten: katalanezko murgiltze ereduan.

 ©BERRIA

OSASUN SISTEMAREN ATE NAGUSIAN, EZINEAN

Arantxa Iraola

Egiturazko gabeziak larriagotzea eragin du COVID-19ak lehen mailako arretan; izurria kudeatzeko hartu diren neurriek ere trabaz bete dute osasun sistemara heltzeko bidea. Osakidetzako langileek deituta, protestak egingo dira gaur.

Rafa Rotaetxe Altzako osasun zentroko atarian. ©GORKA RUBIO / FOKU

«Zentroetara etortzeari utzi dio jende askok»

Arantxa Iraola

Rafa Rotaetxe. 1989tik ari da Altzako osasun zentroan, familia mediku. Izurriak lan zama handia ekarri duela esan du, eta baliabideen urriak eta neurri egokien faltak bidea zailtzen dutela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.