Noiz sortua: 2018-09-20 00:30:00

Geroa Baik eskua luzatu dio PSNri, baina azaldu dio ez duela betorik onartuko

Unai Hualdek eta Koldo Martinezek nabarmendu dute parlamentuan PSNk UPN eta PPrekin bat egin duela gehienetan legealdi honetan
Geroa Baik abuztuaren 31n egin zuen urte politiko berria hasteko ekitaldia.
Geroa Baik abuztuaren 31n egin zuen urte politiko berria hasteko ekitaldia. IÑIGO URIZ / FOKU Tamaina handiagoan ikusi

Joxerra Senar -

2018ko irailak 20
Urte politikoaren hasiera honetan, alderdiak foru hauteskundeei begira jarri dira Nafarroan, eta, ezinbestean, Geroa Bairi duela hiru urteko ezbaia planteatu zaio. Atzo, Unai Hualde eta Koldo Martinez Geroa Baiko parlamentariek eskua luzatu zioten PSNri, bat egin dezaten aldaketaren aldeko indarrekin. Hala ere, Martinezek argi utzi zuen ez zuela betorik onartuko. «Geroa Baik ez du nahi PSNk EH Bildu baztertzea, ezta EH Bilduk PSN baztertu nahi izatea ere». Haren esanetan, jarrera ez da aldatu: «PSNk ateak irekita ditu negoziatzeko. Hala esan genuen 2015ean, hala esaten dugu 2018an eta hala esaten jarraituko dugu 2019an ere».

Gaur-gaurkoz, Geroa Baiko ordezkariek uste dute PSNk ez duela jarrera aldatu, eta UPNrengandik gertuago jarraitzen duela. Hiru urteotan sozialistek parlamentuan izandako jarrera dute eredurik garbiena. «UPNrekin eta PPrekin bat egiten dute aldi gehienetan parlamentuan, baita gizarte arloko legeak onartzeko orduan ere», azaldu zuen Unai Hualdek. Horregatik, PSNri ez dio ikusten benetako borondaterik aldaketarekin bat egiteko, eta horregatik, argi utzi dio Maria Txibiteri Geroa Bai ez dela erraz eroriko haien besoetan. «Gertaerek kontrakoa diotenez, ez diegu sirenen kantei jaramonik egingo».

Iritzi berekoa da Koldo Martinez. Haren irudiko, PSNk nahiago du UPNri jokoa egin: «Nahiago du identitate arloko borroketan erori Nafarroan aurrerabideko gobernu bat osatzen lagundu baino», esan zuen.

Txibiteren erantzuna

Maria Txibite PSNko idazkari nagusiak ez du gustuko izan Geroa Bairen ohartarazpena. «Inork ez digu esango norekin egin behar dugun hitzarmena gobernua osatzeko». PSNk bereari eusten dio, eta enegarrenez argi utzi du EH Bildurekin ez dutela ezer jakin nahi etorkizuneko akordioak egiterako orduan. «Ideologiaren eta etikaren araberako posizionamendu politikoa da». Era berean, gaineratu du PPrekin ere ez dutela akordiorik egin nahi. «Beste mutur ideologikoan daude, eta sozialistek politika horiek iraultzeko egiten dugu lan». Hain zuzen ere, duela bi urte Txibitek UPNrekin akordiorik ez zuela egingo aipatu zuen, baina azken hilabeteteetan ate hori ireki egin du berriz.

Hain zuzen ere, Pedro Sanchezen gobernuak Konstituzioaren erreforma planteatu du hautetsiei foru izaera kentzeko asmoz. Hori ikusita, UPNk berehala probestu du aukera, eta exijitu du laugarren xedapen iragankorra kendu behar dela aldaketa horretan. Xedapen iragankorrak Nafarroak beste hiru euskal lurraldeekin bat egiteko aukera aipatzen du, eta zehazten du azken erabakia erreferendum bidez berretsi beharko litzatekeela.

Koldo Martinezen arabera, jatorrian «lau lurraldeko Euskadi bat sortzeko aukerari galga jartzeko sortu zen, baina egun, Konstituzioaren baitan, askatasun erreminta bat da». Haren ustez, nafarrei erabakitzeko ahalmena aitortzen zaie xedapen horren bitartez: «Nafarroa subjektu politiko gisa aitortzeko modu bat da». Horregatik, deigarria egiten zaio UPN «Pablo Casadoren eskuin atzerakoiarekin edo Ciudadanoseko antiforalistekin» lehiatzea «ea nor den zentralistago».

Hauteskundeei begira, Geroa Baik jada zehaztu ditu zerrendaburuak: Uxue Barkos lehendakarigai izango da berriro, eta Itziar Gomez, Iruñeko zerrendaburu. «Norbaitek leporatu digu ez dugula aurpegirik aldatu, eta egia da, guk berrikuntza politiketan aplikatzen baitugu. Beste batzuk aurpegiak aldatzen dituzte, baina diskurtsorik ez».

Albiste gehiago

Apirilaren 1ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 9.358 gaixok eman dute positibo koronabirusaren proba eginda, administrazioen arabera. 501 hil dira. COVID-19 gaitza izandako 2.134 pertsonari eman diete alta. Grafikoak, albiste barruan.

Pankarta bat, Biboko Zapikaleetan. ©Marisol Ramirez / Foku

500 hildakoen langa gainditu du izurriak Euskal Herrian

Berria

Dagoeneko 501 pertsona hil ditu gaitzak. Hego Euskal Herrian 9.335 kasu diagnostikatu dituzte. Sindikatuek gutun bat bidali diote Denis Itxaso Madrilek EAEn duen ordezkariari, besteak beste zentralizazioa bertan behera uzteko eskatzeko, eta Maddalen Iriartek mahai bat eratu nahi du erabakiak hartzeko

1983ko abuztuan, Busturian, uholdeetan. ©BERRIA

Zer egin krisi bati aurre egiteko?

Enekoitz Esnaola

Jaurlaritzako eta Nafarroako lehendakariek, euskal gatazkako indarkeriaz gain, zenbait garai sozial gogor ere bizi izan dituzte 40 urteotan: uholdeak, sute eta istripu larriak, krisi ekonomikoak... Carlos Garaikoetxeak, Jose Antonio Ardanzak, Patxi Lopezek eta Uxue Barkosek lehendakari gisara bizi izan zituzten krisietan izandako esperientziak kontatu dizkiote BERRIAri. Garrantzia eman diote gertutasuna eta sentsibilitatea izateari, baita neurriak hartzeari ere.

Aceros Olarra lantegia, Loiun, atzo. ©Marisol Ramirez / Foku

Tubos Reunidosek berriro zabalduko du

Iker Aranburu

Jaurlaritzak uste du industria osoak eutsi ahal diola jarduera txiki bati. Mondragonek dio «atzeraezinezko konpromisoak» bete ahal izango dituela, eta CAFen 37 boluntario ari dira bagoi batzuk entregatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna