Albistea entzun

Osasun sistema publikoa indartzeko mezua ozendu dute Iruñeko kaleetan

Nafarroako Osasun Plataformak antolatu du protesta. Eskeen artean, osasun lege berri bat, «behar» guztiei erantzuteko propio garatutakoa
Protesta, atzo, Iruñean.
Protesta, atzo, Iruñean. JON URBE / FOKU Tamaina handiagoan ikusi

Arantxa Iraola -

2022ko otsailak 19

Atzo 19:00etarako zuen deia egina Nafarroako Osasun Plataformak, eta izan zuen segida. Ehunka pertsona elkartu ziren Iruñean Osasungintza publikoa defenda dezagun aldarria ozentzera, eta, helburu hori gogoan, osasun sistema publikoan ari diren profesionalen lan baldintzen aldeko mezuak ere plazaratu zituzten. Eragile ugarik egin zuten bat protestarekin; tartean osasun sistema publikoan ordezkaritza duten sindikatuek.

Aspaldiko kezka da osasun sistema publikoaren sendotasunaren gainekoa, eta izurriarekin batera areagotu egin da. Besteak beste, lantaldeak trinkotzeko eta handitzeko eskatu zuten atzoko mobilizazioan, eta murrizketak bertan behera uzteko. Pandemiak osasun sistema hobetzeko «aukera» izan behar zuela esan zuten, baina ez dela baliatu.

Izurriarekin arta telematikoak asko zabaldu dira, eta osasun plataformako kideek uste dute pazienteekin jarduteko era horiei neurria hartu behar zaiela: bide horretan, aurrez aurreko arta berriz indartzeko ere eskatu dute, eta ratio «errealak» nahi dituzte, profesional bakoitzak behar adina denbora eskaini ahal izateko pazienteei. Bide horretan eskatu dute, halaber, administrazioko langileak gehitzea, kalitatezko arreta bermatzeko. Lehen mailako artako egoerari ari zaizkio erreparatzen, bereziki; izurriari aurre egiteko egin behar izan diren lanen ondorioz, eginkizunak «ugaritu» egin dira osasun zentroetan, eta uste dute horrek ekarri duen egoeraren araberako neurriak behar direla. Osasun sistema publikoa behar bezala babeste aldera, osasunaren «negozio pribatuaren finantzaketa aurrekontu publikoekin» egiteari uzteko ere eskatu dute, eta «sistema publiko soziosanitario bat integratzea eta garatzea» ezinbestekotzat dute.

Manifestazioaren amaieran irakurri zuten oharrean nabarmendu zuten Nafarroak behar duela osasun lege berri bat; osasun sistema publikoa «blindatzeko eta hobetzeko» tresna izan beharko lukeela uste dute, eta lege hori ontzeko prozesuan gizarteko hainbat eragilek hartu behar luketela parte. Izan ere, uste dute hainbat «behar» bete gabe daudela egun, eta horiek ere aintzat hartzeko bidea egin behar dela, herritarrei hitza emanda. Osasun Departamentura egun bideratzen diren diru sailak ez direla handitu deitoratu zuten, eta horrek osasun sistema pribatua hauspotzea eta trinkotzea dakarrela.

Kezka orokorra

Osasun publikoa indartzeko eskeak bestela ere ugariak dira. Urtarrilaren 23an protesta jendetsuak egin ziren Bilbon, Gasteizen eta Donostian; salatu zuten Osakidetzako lehen mailako osasun arretako sistemaren «kolapsoa», eta horri aurre egiteko neurriak eskatu zituzten. Sindikatuek egindako mobilizazioa izan zen hura, eta orduan ere nabarmendu zuten kezka ez zela berria; izurriaren aurretik ere agerikoa zen artaren gaineko ezinegona, eta langileen lan baldintza kaskarrekin lotzen zuten. Izurriarekin, arazoak gordindu egin dira.

Eta protestek ez dute etenik Osakidetzan; hilaren 25ean grebarako deia eginda dute lehen mailako zentroetan, 26an manifestazioak egitekoak dira, eta 28an grebarako deia eginda dago sistemako maila guztietan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Poliziaren Biktimen Balorazio Batzordeak urteko txostena aurkeztu zuen atzo Eusko Legebiltzarrean. ©JAIZKI FONTANEDA / FOKU

Poliziaren Biktimen Balorazio Batzordeak 46 biktima aitortzeko eskatu du

Oihane Puertas Ramirez

1961etik 1997ra bitartean jasan zituzten erasoak. Sei hil egin zituzten, eta 28 torturatu. Eskatu dute kalte ordainak zehazten dituen legea aldatzeko
Esperientzia ezagutarazteko egindako mahai ingurua, atzo Donostian. ©JON URBE / FOKU

Euskal curriculuma: paperetik praktikara

Irati Urdalleta Lete

'Euskal curriculuma: egungo esperientziak eta etorkizuneko aukerak' jardunaldiak egin dituzte Donostian. Hutsuneetatik zer eraikitzen ari diren ekarri dute hizpidera.
Sariguren eta Badoztain arteko sutea. ©Radiovoluntarios Emergencias Navarra

Kontrolpean daude Badoztain eta Sarriguren arteko, Sartagudako eta Beireko suteak

Iñaut Matauko Rada

Badoztaindik Sarrigurenera jaisteko bidean piztu da sua, eta hamabost hektarea inguru erre dira. Sartagudan eta Beiren ere suteak piztu dira, baina kontrolpean daude.

Alprazolam botika ©

Alprazolam antsietatearen aurkako botikaren sorta batzuk merkatutik kendu dituzte

Berria

AEMPS Sendagaien eta Osasun Produktuen Espainiako Agentziak eman du agindua, «egonkortasun azterketetan arazoak» atzeman dituztelako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...