Albistea entzun

Ravelen oinarritutako bigarren diskoa atera du Euskadiko Orkestrak

Robert Treviñok zuzendu du lana, eta, besteak beste, Pierre Boulezek orkestratutako 'Frontispice' obra jasotzen du diskoak
Euskadiko Orkestra diskoa grabatzen, Miramongo egoitzan, 2021eko abenduan.
Euskadiko Orkestra diskoa grabatzen, Miramongo egoitzan, 2021eko abenduan. JUANTXO EGAÑA / EUSKADIKO ORKESTRA Tamaina handiagoan ikusi

Jone Bastida Alzuru -

2022ko azaroak 11

Arrakasta izan zuen Euskadiko Orkestrak Maurice Ravelen (Ziburu, Lapurdi, 1875-Paris, 1937) musikan oinarrituta kaleratutako lehen diskoak, eta haren obra sinfonikoaren bigarren pieza grabatu du orain: Ravel 2. Aurreneko lanean, konpositorearen euskal erroetan egin zuten azpimarra, eta musikagilearen alde frantsesari eutsi diote oraingoan. Besteak beste, Pierre Boulezek orkestratutako Frontispice pieza jaso dute, baita Ma mère l'Oye ballet partituraren grabazio osoa ere. Valses nobles et sentimentales, Menuet Antique eta Shéhérezade (Ouverture de féerie) obrek osatzen dute albuma.

Robert Treviño Euskadiko Orkestrako zuzendari titularrak diskoaren liburuxkan esan duenez, album honetako musika materiala ez da hain «esplizituki euskalduna». Beraz, errepertorioak neurri handiagoan erakusten du haren «alde frantsesa»; Frontispice obra nabarmendu du: «Hiru minutuko pieza oso ezohiko bat da, jatorriz bi pianorako idatzia. Musika frantses modernista da, benetan kontzeptuala, eta Messiaenen musikatik Debussyrenetik baino askoz hurbilago dago, hainbat arrazoirengatik». Valses nobles et sentimentales pieza ere aipatu du adibide gisa: «Lehenengo liburukiko La Valse-ren basakeriarekin kontrastean, honek bals zalapartatsu baina oso dotoreak biltzen ditu, Parisen entzun zitezkeenen modukoak, Vienatik zetozen influentziekin».

Hala ere, Treviñoren aburuz, «euskal konpositore handi baten lana» esploratzen jarraitzen dute. Bigarren album honetan Ravel «frantsesa ere bazela» irudikatu arren, euskal kutsua hartzen die haren musikaren «zintzotasunari, laburtasunari eta sendotasunari». Euskadiko Orkestrak eta Treviñok elkarrekin kaleratu duten hirugarren grabazioa da, guztiak Ondine diskoetxearen zigilupean.

Hain zuzen, Raveli eskainitako lehen albumak izandako harrera onak hauspotuta ekin zioten lanari. Japonia, Australia, Frantzia eta AEBetako hedabide nagusien laudorioak bildu zituzten, eta hainbat argitalpenen aitortza. Begi onez ikusi dute bigarren lan hau ere; Gramophone musika klasikoko aldizkariak «disko bikain» gisa definitu du, besteak beste.

2021eko abenduan egin zuten azken diskoaren grabaketa, Euskadiko Orkestraren Miramongo egoitzan. Albumak 70 minutuko iraupena du, eta eskuragarri dago plataforma digitaletan. Formatu fisikoetan ere lortu daiteke, establezimendu komertzialetan aurretiko eskaera eginda.

Ravelen musikan barna

Bost urte daramatza Treviñok Euskadiko Orkestrako zuzendari titular moduan, eta Ravelen musikan eta nortasunean barneratzeko apustua egin du hasieratik. Hainbat mugarri daude: urteotako denboraldietan eta Parisko Eliseo Zelaien antzokian Ravelen musika aurkeztu izana, Ondinerekin egindako bi grabazioak edo 2023an Polonian egingo duten bira.

Zuzendariaren arabera, Euskadiko Orkestraren eta Ravelen musikaren arteko harremana «aspaldikoa» da.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©Joanes Etxebarria

Jean-Louis Davant: «Anitz egin da hitz berrien asmatzeko, baina zahar anitz galdu ditugu»

Joanes Etxebarria - Ipar Euskal Herriko Hitza

Liburu edo pastoraletan, historia landu du bereziki, olerkiekin batean. Idazlan luzeak gehiago ez egitea deliberatu du. Uste du aitzinatu dela euskararen alorrean, baina lan asko dela egiteko.

<em>Maus</em> liburuko lau bineta. ©ASTIBERRI

Saguen txilioak holokaustoan

Uxue Rey Gorraiz

Gurasoek holokausto nazian bizitakoetan oinarrituta sortu zuen Art Spiegelmanek 'Maus' komikia. Pulitzer saria irabazi zuen 1992an. Euskarara ekarri dute berriki.

Soinu txikia XIX. mendearen amaieran hedatu zen Euskal Herrian. ©BERRIA
<em>Titanic Rising</em> diskoan abiatutako bidean segitzen du Weyes Blood-ek disko berrian. ©BERRIA

Dirdira iluntasunean

Mikel Lizarralde

Folkaren eta pop barrokoaren artean mugitzen diren kantuen bitartez, Weyes Bloodek gaur egungo ajeetan arakatu du 'And In The Darkness, Hearts Aglow' diskoan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.