Albistea entzun

Koronabirusa

Sagarduik «tentuz» jokatzeko eskatu du, joera «goranzkoa» delako

Sailburuaren hitzetan, goizegi da beste olatu bat datorrela esateko, eta ez dago jakiterik «goranzko» bilakaerak zer eragin izango duen ospitaleetan
Eusko Jaurlaritzako Osasun sailburu Gotzone Sagardui, artxiboko irudi batean.
Eusko Jaurlaritzako Osasun sailburu Gotzone Sagardui, artxiboko irudi batean. ENDIKA PORTILLO / FOKU Tamaina handiagoan ikusi

Irati Urdalleta Lete -

2021eko urriak 27

Gaur hogei egun bete dira Eusko Jaurlaritzak osasun larrialdia indargabetu eta COVID-19a ez hedatzeko neurri gehienak bertan behera laga zituenetik. Gotzone Sagardui Osasun sailburuak ohartarazi du birusa ez dela desagertu, eta «tentuz» jokatzeko eskatu du, birusaren hedapenaren joera «goranzkoa» delako. Atzo eman zuen bilakaeraren berri, gobernu bileraren ostean.

Azken egunetan, birusaren joera «goranzkoa» da, Sagarduiren hitzetan, eta hori berresteko datuak eman ditu: azken hamabi egunetan, handitzen ari da hamalau eguneko 100.000 biztanleko intzidentzia metatua, eta hala jarraituko duela uste dute. 76,1 kasukoa da egun; beraz, gainditu egiten du Eusko Jaurlaritzak muga gehienak kentzeko ezarritako 60 kasuren muga. Osasun larrialdira itzultzea pentsatzen ari ote diren galdetu diotenean, esan du kontuan eduki behar direla beste adierazle batzuk ere; hala nola ospitaleetako egoera, ZIUetakoa, gaixotutako pertsonen profila eta haien larritasuna.

Gainera, esan duenez, igoeraren intentsitatea aurrekoetan baino apalagoa da. «Oraindik goizegi da beste olatu bat datorrela esateko». Lehenago ere ikusi denez, birusaren aldaera berriek eragina izan dezakete positiboak areagotzean, baina, oraingoz, ziurtatu duenez, ez dute aurkitu birusaren aldaera berririk.

Kazetariek agerraldiei buruzko informazioa ere eskatu diote, eta Basurtuko erietxekoaz aritu da. Orotara, 30 positibo atzeman dituzte: 21 gaixok, sei bisitarik eta hiru langilek eman dute positibo. Egun agerraldia «kontrolpean» dagoela ziurtatu du.

Ospitaleetako datuak ere eguneratu ditu Sagarduik: 78 gaixo daude ospitaleratuta Osakidetzan, horietako 24 ZIU zainketa berezietako unitateetan. Sagarduiren esanetan, beste batzuetan ere geroago nabaritu izan da kasuen ugaritzea ospitaleetan, eta, momentuz, igoerarik ez dago ZIUetan. Ez du argi zein izango den bilakaera: «Oraindik goizegi da ikusteko goranzko joerak zer bilakaera izango duen». Esan du erietxeetan txertatutako nahiz txertatu gabeko gaixoak daudela, baina batez ere txertatu gabekoen kasuak direla larrienak. Hori horrela, oraindik txertorik hartu ez dutenak txertatzera animatu ditu, eta gogorarazi die ordua hartzeko aukera dutela osasun etxera deituta edo Osakidetzaren webgunearen bidez.

Nafarroan, delta plus

Jakinarazi dutenez, Nafarroan delta plus aldaeraren kasu bat atzeman dute. Esan dute kasu inportatua dela, Erresuma Batura egindako bidaia batean kutsatua. Santos Indurain Nafarroako Gobernuko Osasun kontseilariaren arabera, positibo horrek ez du agerraldirik sortu: «Ez dago agerraldirik, pertsona horren kontaktuek —familiako kasu jakinen batek izan ezik— negatibo eman baitute».Nabarmendu du sekuentziazioa zein garrantzitsua den horrelako aldaerak atzemateko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Herritar batzuk paseoan, Iruñean ©Iñigo uriz / FOKU

Beste 655 kasu atzeman dituzte Nafarroan, pandemiako bigarren daturik txarrena

Irati Urdalleta Lete

COVID-19a atzemateko egindako proben %16k positibo eman dute Nafarroan. 124 gaixo daude Osasunbideko ospitaleetan.

Miarritzeko aireportuaren artxiboko argazkia ©Isabelle Miqulestorena

Etxegabe batena da Miarritzen aurkitutako giza eskeletoa

Berria

Orain dela urte batekoa litzateke heriotza lehen ikerketen arabera. Ez dute uste krimen bat izan denik

Baionako txertaketa gunea, artxiboko irudi batean. ©GUILLAUME FAUVEAU

Txertaketa guneetan kezka piztu da, Pfizer dosiak agortzen ari baitira

Oihana Teyseyre Koskarat

Eskualdeko Osasun Agentziak hobetsi du Moderna txertoak banatzea. Baionako guneko langileek lana uzteko eskubidea aldarrikatu dute

Bi pertsona Osakidetzaren osasun zentro batetik ateratzen, Donostian. ©GORKA RUBIO / FOKU

Lehen mailako artako kontsultak atzeratuko ditu Osakidetzak

Arantxa Iraola Irati urdalleta Lete

«Aparteko larritasunik ez duten» kontsultak atzeratuko ditu osasun sistemak; bihotzeko eritasunak eta bronkitis kronikoa dutenen kontrolak. Osakidetzak abisatuko die kontsulta atzeratu dietenei

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.