Hitzarmena izenpetu dute autobus sare publikoetan «segurtasuna hobetzeko»

Ipar Euskal Herriko autobus sare osorako balioko du. «Zinezko garraio polizia» baten sorrera dela erran du Eric Spitz prefetak
Hitzarmenaren sinatzaileak, atzo, Tarnosko Herriko Etxean.
Hitzarmenaren sinatzaileak, atzo, Tarnosko Herriko Etxean. BOB EDME Tamaina handiagoan ikusi

Ekhi Erremundegi Beloki -

2021eko urtarrilak 9

Oihartzun handia izan zuen iazko uztailean Philippe Monguillot Chronoplus sareko autobus gidariaren heriotzak: erabiltzaile batzuekin izandako borrokan jasotako kolpeen ondorioz zendu zen. Ipar Euskal Herriko autobusetan dagoen segurtasun falta azpimarratu zuten sindikatu eta langile batzuek, eta hura hobetzeko neurriak hartuko zituztela hitzeman zuten hautetsiek. Atzo izenpetu zuten autobus sare publikoan «segurtasuna hobetzeko» hitzarmena Tarnosen (Frantzia), Landetako hegoaldeko herri hori ere Euskal Hirigune Elkargoko garraio sindikatuko kide baita. Pirinio Atlantikoetako prefetak, Baiona, Angelu eta Miarritzeko (Lapurdi) auzapezek eta garraio sindikatuko presidenteak izenpetu zuten, besteak beste.

Neurri nagusia da geolokalizazio bidez autobusen zuzeneko jarraipena egin ahalko dutela. Arazo bat duen gidariak botoi bat sakatzea aski izanen da Poliziarekin harremanean ezartzeko. «Haien irratia entzuteko aukera izanen dugu, larrialdia neurtu eta agenteak bidali behar ditugun neurtzeko», adierazi du Agnes Mazin-Bottier Pirinio Atlantikoetako Segurtasun zuzendariordeak. «Garraio publikoan Polizia egoteak gidariak eta biztanleak lasaitzen ditu». Halaber, Lapurdiko hiru toki horietako udal poliziak haien herrietako mugetatik ateratzeko eskubidea izanen dute larrialdietan esku hartzeko. Autobus gidariei ere prestakuntza berezia emanen diete, tentsio uneetan nola erantzun jakiteko.

Departamenduan «ez dago segurtasun arazo handirik», Eric Spitz prefetaren hitzetan, «hemen ez dago Errepublikak birkonkistatu beharreko auzorik». Baina Monguilloten heriotzaren ondotik, neurriak hartzeko beharra ikusi zutela nabarmendu du. Hitzarmena «zinezko garraio polizia» baten sorrera dela erran du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

985 positibo atzeman dituzte Hego Euskal Herrian; egindako testen %8,7

985 positibo atzeman dituzte Hego Euskal Herrian; egindako testen %8,7

Arantxa Iraola

Erietxeetan ere gero eta toki gehiago behar dute gaixoentzat; Osakidetzan, adibidez, azaro amaierako kopuruak gainditu dira.

Arantxa Tapia eskuinean, urrian Zaldibarko zabortegira egindako bisita batean. ©Marisol Ramirez

Eusko Jaurlaritzak ez du aurreikusten zabortegi gehiago eraikitzea

Igor Susaeta

Arabako, Bizkaiko eta Gipuzkoako plantetara eramandako hondakinak 2030erako %85 murriztea du helburu Hondakinen Prebentziorako eta Kudeaketarako Planaren zirriborroak

Iñigo Urkullu Eusko Jaurlaritzako lehendakaria eta Eva Ferreira EHUko errektorea gaur, Gasteizen. ©Irekia

EHUko errektore kargua hartu du Ferreirak

Amaia Ramirez de Okariz Kortabarria

Euskal Herriko Unibertsitateak «integratzailea eta solidarioa» izan behar duela nabarmendu du Ferreirak, eta «erronka sozialak» jarri behar direla erdigunean. Etapa berri bat hastear dela erantsi du, eta baita Urkulluk ere.

Miren Gorrotxategi, Pilar Garrido eta Isabel Salud, gaurko agerraldian, Gasteizen. ©Elkarreki Podemos-IU

Elkarrekin Podemos-IUk ikerketa batzorde bat eskatu du txertaketa «irregularrak» argitzeko

Edurne Begiristain

Miren Gorrotxategik uste du «sare bat» dagoela txertaketa irregularren atzean, eta Eusko Jaurlaritza «bete-betean inplikatuta» dagoela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.