Sakabanaketaren aurkako lehen eskaera egin dute Estrasburgon

Josetxo Arizkuren presoaren kasua eraman dute Europako Giza Eskubideen Auzitegira. Familia bizitzarako eskubidea argudiatu dute

Hodei Iruretagoiena -

2017ko urtarrilak 10

Iritsi da Estrasburgora 2013ko abenduko agiriarekin Euskal Preso Politikoen Kolektiboak hasitako bidea. Multzoka, Euskal Herriratzeko banakako eskaerak egingo zituztela iragarri zuten agiri hartan, eta gaitz larriak dituztenek eta 70 urtetik gorakoek egin zituzten lehen eskaerak, 2014ko martxoan —hamasei preso inguru ziren garai hartan; aske uzteko ere eskatu zuten lehen multzokoek—. Espainiako epaitegietako bidea agortuta, joan den abenduaren 23an eraman zuten Europako Giza Eskubideen Auzitegira Josetxo Arizkuren euskal presoaren kasua haren abokatuek. Familia bizitzarako eskubidea izan da aurkeztutako argudio nagusia.

Aurrez gainerako epaitegiek egin bezala, Espainiako Auzitegi Konstituzionalak joan den ekainean eman zion ezezkoa Arizkurenen (Iruñea, 1958) eskaerari. Tramiterako ere ez zuten onartu.

Arizkuren 1999an atxilotu zuten, Parisen, eta preso eduki dute geroztik. 2006an, Frantziak ezarritako zigorra bete, eta Espainiaratu egin zuten. Auzitegi Nazionalak hainbatetan epaitu eta zigortu du ETAko kide gisa. Kardiopatia iskemiko larria du, eta horregatik zegoen Euskal Herriratze eskaerak egiteko EPPKren lehen multzoan, 70 urtetik gorako presoekin batera. Iazko ekainean, A Lamako (Galizia) kartzelatik Murtziakora (Espainia) aldatu zuten, eta senideek kezka agertu zuten, lehen ere beste preso batek salatu baitzuen han ez ziotela eman osasun arreta egokirik.

Familia bizitzarako eskubidea izan da, hala ere, Arizkurenen abokatuek Estrasburgon erabili duten argudio nagusia. Nabarmendu dute presoak beren ingurunetik urrun izateak familia bizitzarako eskubidea urratzen duela. Besteak beste, zailtasunak dakartzalako bisitetarako eta gainerako harreman bideetarako. «Sakabanaketarekin gauza gehiago urratzen dira, baina Estrasburgora joateko indar egin behar zen Europako Giza Eskubideen Itunak dioenean, eta hor argi dago jasoa familia bizitzarako eskubidea», azaldu dio BERRIAri Amaia Izko abokatuak.

Itun horretako 8. artikuluaren arabera, «pertsona orok du familia bizitza pribatua, haren etxekoa eta korrespondentzia errespetatua izateko eskubidea». Legez behar bezala araututa eta argudiatuta bakarrik onartzen du Itunak eskubide hori murriztea, eta, Izkok nabarmendu duenez, Espainiako legediak ez du halakorik jasotzen. «Sakabanaketa ez da legezkoa». Gainera, Madrilen argudioen aurka egiteko, abokatuaren ustez, aintzat hartzekoa da ETAk utzia duela jardun armatua.

Kasu gehiago izan litezke

Europako auzitegiak esan beharko du orain Arizkurenen eskaera tramiterako onartuko duen edo ez. «Hilabete batzuk» pasa litezke ordurako, Izkoren esanetan. Epe motzean, kasu gehiago ere eraman ditzakete Estrasburgora, abokatuak aurreikusi duenez, antzeko beste batzuk ere ebaztear daudelako Auzitegi Konstituzionalean. Horietako bat zen, esaterako, Karlos Trenor abokatuarena —18/98 auzian zigortu zuten, Egin-ekin eta Orain S.A enpresarekin lotuta—, baina joan abenduaren 25ean irten zen kalera, zigorra beteta. Oraingoz, Konstituzionalak atzera botatako eskari bakarra Arizkurenena da.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna