'Argia'-k mendeurren festa ospatuko du larunbatean, Donostian

Urtzi Urkizu -

2019ko urriak 10
Hispanitatearen Egunari buelta eman eta «deskolonizatzeko» helburuarekin, Argia aldizkariak mendeurreneko festa ospatuko du larunbatean, Donostian. «Komunitatea elkartzeko» baliatu nahi dute ospakizuna. Horretarako, adin guztietako herritarrentzako ekitaldiak antolatu dituzte.

Hasteko, 11:00etan, haurrentzako jolas bereziak egingo dituzte Urgullen —Trinitate plazatik abiatuko dira—. Plaza beretik, 12:00etan, ibilbide historiko bat hasiko dute, Urko Apaolaza historialariaren azalpenekin eta Beñat Gaztelumendi eta Miren Artetxe bertsolariekin. 13:00etan, sokadantza egingo dute. Eta Trinitate plazan bertan herri bazkaria egingo dute; proposatu dute bakoitzak berea eramatea, baina mahaiak jarriko dituzte eta sagardo barrika bat egongo da.

Arratsaldean beste hainbeste ekitaldi egongo dira: 16:00etan, Pobresiak emanaldia; 17:00etan, Txirri, Mirri eta Txiribiton Junior pailazoen ikuskizuna; 18:00etan, NAN «arrotzen» jaurtiketa txapelketa; 19:00etan, kalejira eta dantzak; eta 20:30etik aurrera, lau talderen kontzertuak: Amaren Alabak, Mursego, Balerdi Balerdi eta Niña Coyote eta Chico Tornado.

Ostiralean, berotzen hasteko, Napardeath filma proiektatuko dute Trinitate plazan, 21:00etan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna